ଭୁବନେଶ୍ୱର, ୦୨/୧୨/୨୦୨୨- ଅଷ୍ଟ୍ରେଲିଆ ବିପକ୍ଷ ୫ ମ୍ୟାଚ୍ ବିଶିଷ୍ଟ ଘରୋଇ ଟି -୨୦ ସିରିଜ୍ ପାଇଁ ୧୫ ସଦସ୍ୟ ବିଶିଷ୍ଟ ଭାରତୀୟ ମହିଳା କ୍ରିକେଟ୍ ଦଳ ଘୋଷଣା କରାଯାଇଛି । ଏହି ସିରିଜ୍ ୯ ଡିସେମ୍ବରରୁ ଆରମ୍ଭ ହେବ। ହରମନପ୍ରୀତ କୌର ଅଧିନାୟକ ଏବଂ ସ୍ମୃତି ମଣ୍ଡନା ଉପ-ଅଧିନାୟକ ହେବେ। ଟି -୨୦ ସିରିଜର ସମସ୍ତ ପାଞ୍ଚଟି ମ୍ୟାଚ୍ କେବଳ ମୁମ୍ବାଇରେ ଅନୁଷ୍ଠିତ ହେବ। ଆସନ୍ତା ବର୍ଷର ଟି -୨୦ ବିଶ୍ୱକପ ପାଇଁ ପ୍ରସ୍ତୁତି ଦୃଷ୍ଟିରୁ ଏହି ସିରିଜ୍ ଉଭୟ ଦଳ ପାଇଁ ଗୁରୁତ୍ୱପୂର୍ଣ୍ଣ ହେବ।
ହରମନପ୍ରୀତ କୌରଙ୍କ ନେତୃତ୍ୱରେ ଭାରତୀୟ ଦଳ ଅଷ୍ଟ୍ରେଲିଆ ବିପକ୍ଷ ଟି-୨୦ ସିରିଜରେ ବିଜୟ ଧାରା ବଜାୟ ରଖିବାକୁ ଚାହୁଁଛି। ଅକ୍ଟୋବରରେ ଶ୍ରୀଲଙ୍କାକୁ ପରାସ୍ତ କରି ଭାରତ ମହିଳା ଏସିଆ କପ୍ ଜିତିଥିଲା। ଏଭଳି ପରିସ୍ଥିତିରେ ଭାରତୀୟ ଦଳ ଅଷ୍ଟ୍ରେଲିଆ ବିପକ୍ଷରେ ଏହି ପ୍ରଦର୍ଶନକୁ ପୁନରାବୃତ୍ତି କରିବାକୁ ଚେଷ୍ଟା କରିବ।
ଦୁଇ ବର୍ଷ ପୂର୍ବେ ଅନୁଷ୍ଠିତ ଶେଷ ଟି -୨୦ ବିଶ୍ୱକପରେ ଅଷ୍ଟ୍ରେଲିଆ ଭାରତକୁ ପରାସ୍ତ କରି ଟାଇଟଲ ଜିତିଥିଲା। ମେଲବୋର୍ଣ୍ଣରେ ଚାଲିଥିବା ଫାଇନାଲରେ ୧୮୫ ରନ୍ ପଛରେ ଭାରତୀୟ ଦଳ ୯୯ ରନ୍ ପାଇଁ ଆଉଟ୍ ହୋଇଥିଲେ ଏବଂ ଅଷ୍ଟ୍ରେଲିଆ ୮୫ ରନ୍ ରେ ମ୍ୟାଚ୍ ଜିତିଥିଲା।
ଅଷ୍ଟ୍ରେଲିଆ ବିପକ୍ଷ ଟି-୨୦ ସିରିଜ ପାଇଁ ଭାରତୀୟ ମହିଳା ଦଳ – ହରମାନପ୍ରୀତ କୌର (ଅଧିନାୟକ), ସ୍ମୃତି ମନ୍ଧନା (ଉପ-ଅଧିନାୟକ), ଶାଫାଲି ଭର୍ମା, ରିଚା ଘୋଷ (ୱିକେଟ୍ କିପର), ଜେମିମା ରୋଡ୍ରିଗୁସ୍, ୟସ୍ତିକା ଭାଟିଆ, ଦୀପ୍ତି ଶର୍ମା, ରାଧା ଯାଦବ, ରାଜେଶ୍ୱରୀ ଗାଇକୱାଡ, ରେଣୁକା ସିଂ ଠାକୁର, ଅଞ୍ଜଳି ଶାରଭାନୀ, ମେଘନା ସିଂ, ଦେବିକା, ଏସ୍ ମେଘନା, ହାର୍ଲେନ୍ ଦେଓଲ୍।
ଭାରତ-ଅଷ୍ଟ୍ରେଲିଆ ଟି -୨୦ କାର୍ଯ୍ୟସୂଚୀ
ପ୍ରଥମ ଟି୨୦ : ଡିସେମ୍ବର ୯ , DY ପାଟିଲ ଷ୍ଟାଡିୟମ୍ ।
ଦ୍ୱିତୀୟ ଟି୨୦ : ଡିସେମ୍ବର ୧୧ , DY ପାଟିଲ ଷ୍ଟାଡିୟମ୍।
ତୃତୀୟ ଟି୨୦ : ଡିସେମ୍ବର ୧୪ , ବ୍ରାବୋର୍ନ୍ ଷ୍ଟାଡିୟମ୍ ।
ଚତୁର୍ଥ ଟି୨୦ : ଡିସେମ୍ବର ୧୭ , ବ୍ରାବୋର୍ନ୍ ଷ୍ଟାଡିୟମ୍ ।
ପଞ୍ଚମ ଟି୨୦ : ଡିସେମ୍ବର ୨୦ , ବ୍ରାବୋର୍ନ୍ ଷ୍ଟାଡିୟମ୍ ।
