ସିକିମ୍ , ୨୩/୧୨/୨୦୨୨- ଭାରତ-ଚୀନ ସୀମାରେ ସେନା ଯବାନଙ୍କ ଗାଡ଼ି ଭୟଙ୍କର ଦୁର୍ଘଟଣାର ସମ୍ମୁଖୀନ ହୋଇଛି । ଶୁକ୍ରବାର ଉତ୍ତର ସିକିମ୍ ଜେମା ଅଞ୍ଚଳରେ ସେନା ଭର୍ତ୍ତି ଏକ ଗାଡ଼ି ଯାଉଥିବା ବେଳେ ଖାଇକୁ ଖସି ପଡ଼ିଥିଲା । ଗାଡିଟି ସମ୍ପୂର୍ଣ୍ଣ ନଷ୍ଟ ହୋଇ ଯାଇଥିବା ବେଳେ ୧୬ ଜଣ ଯବାନଙ୍କର ମୃତ୍ୟୁ ଘଟିଛି । ସେହିପରି ୪ ଜଣ ଯବାନ ଗୁରୁତର ଆହତ ହୋଇଛନ୍ତି । ଆହତ ଯବାନଙ୍କୁ ଏୟାରଲିଫ୍ଟ କରାଯାଇଛି । ଖବର ପାଇ ଘଟଣା ସ୍ଥଳରେ ଉଦ୍ଧାରକାରୀଦଳ ପହଁଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ସେନାର ତିନୋଟି ଗାଡି ସକାଳେ ଯବାନମାନଙ୍କୁ ନେଇ ବାହାରିଥିଲେ । ଏହି ଗାଡିଗୁଡିକ ଯବାନମାନଙ୍କୁ ନେଇ ଚଟନରୁ ଥଙ୍ଗୁ ପଟେ ଯାଉଥିଲା ।
