ଭୁବନେଶ୍ୱର, ୧୨/୦୧/୨୦୨୩ – ସୋସିଆଲ ମିଡିଆ ଅନେକ ଲୋକଙ୍କୁ ରାତାରାତି ଷ୍ଟାର କରିଦେଇଛି । ଇନଷ୍ଟାଗ୍ରାମ ଏବଂ ଫେସବୁକରୁ ଏହିପରି ଅନେକ ତାରକା ଏକ ସମୟରେ ଚର୍ଚ୍ଚାରେ ଥିଲେ । କିନ୍ତୁ ଆଜି ଏହି ଲୋକମାନେ କେଉଁଠାରେ ଓ କେଉଁ ଅବସ୍ଥାରେ ଅଛନ୍ତି ତାହା କେହି ଜାଣନ୍ତି ନାହିଁ ।
ଆଜି ଆମେ ଏପରି ସୋସିଆଲ ମିଡିଆ ତାରକାମାନଙ୍କ ବିଷୟରେ କହୁଛୁ, ଯେଉଁମାନେ ଗତ କିଛି ବର୍ଷ ମଧ୍ୟରେ ଷ୍ଟାର ହୋଇଥିଲେ, ଯେଉଁମାନେ ଖ୍ୟାତିର ସ୍ୱାଦ ଚାଖିଥିଲେ, କିନ୍ତୁ ଏହି ଖ୍ୟାତି ସେମାନଙ୍କ ସହିତ ଅଧିକ ସମୟ ରହିପାରିଲା ନାହିଁ । ଆଜିର ଏହି ସୋସିଆଲ ମିଡିଆ ତାରକାମାନେ ପୁଣି ଥରେ ଏକ ଅଜ୍ଞାତ ଜୀବନ ବିତାଉଛନ୍ତି ।
ରାନୁ ମଣ୍ଡଳ-
ଏହି ତାଲିକାର ପ୍ରଥମ ନାମ ହେଉଛି ରାନୁ ମଣ୍ଡଳଙ୍କର । ଆପଣ ନିଶ୍ଚିତ ଭାବରେ ଏହି ଗାୟିକାଙ୍କୁ ମନେ ରଖିଥିବେ । ଷ୍ଟେସନ ଏବଂ ଟ୍ରେନରେ ଲତା ମଙ୍ଗେସକରଙ୍କ ଗୀତ ଗାଉଥିବା ରାନୁ ମଣ୍ଡଳଙ୍କୁ ସୋସିଆଲ ମିଡିଆ ରାତାରାତି ଷ୍ଟାର କରିଦେଇଥିଲା । ୨୦୧୯ ରେ ଏକ ଭିଡିଓ ଭାଇରାଲ ହେବା ପରେ ରାନୁ ଚର୍ଚ୍ଚାରେ ଥିଲେ । ସେ ହିମେଶ ରେଶମିଆଙ୍କ ପାଇଁ ଏକ ଗୀତ ମଧ୍ୟ ରେକର୍ଡ କରିଛନ୍ତି। କିନ୍ତୁ ଆଜି ରାନୁ ସୋସିଆଲ ମିଡିଆରୁ ସମ୍ପୂର୍ଣ୍ଣ ଅଦୃଶ୍ୟ ହୋଇଯାଇଛନ୍ତି ।
ଢିନଚେକ ପୂଜା-
ରାନୁ ମଣ୍ଡଲଙ୍କ ପରି ଢ଼ିନଚେକ ପୂଜା ମଧ୍ୟ ତାଙ୍କ ଗୀତ ଯୋଗୁଁ ଖୁବ ଚର୍ଚ୍ଚାରେ ଥିଲେ। ରାତାରାତି ତାରକା ହୋଇଥିବା ଢ଼ିନଚେକ ପୂଜାଙ୍କୁ ରିଅଲିଟି ସୋ ‘ବିଗ୍ ବସ୍’ରେ ମଧ୍ୟ ଦେଖିବାକୁ ମିଳିଥିଲା। ସୋସିଆଲ ମିଡିଆ ପୂଜାକୁ ସଂପୂର୍ଣ୍ଣ ଭୁଲି ଯାଇଛି, ଯିଏକି ଗୋଟିଏ ସମୟରେ ମେମ ଉପରେ ପ୍ରାଧାନ୍ୟ ବିସ୍ତାର କରିଥିଲେ।
ସହଦେବ ଦିର୍ଡୋ-
ଛତିଶଗଡର ଏହି ଛୋଟ ବାଳକ ଯାହାର ଗୀତ ‘ଜାନ ମେରୀ ଜନେମନ ବଚପନ କା ପ୍ୟାର’ ସୋସିଆଲ ମିଡିଆରେ ଆଲୋଡ଼ନ ସୃଷ୍ଟି କରିଥିଲେ, ସେ ଆଜି ସମ୍ପୂର୍ଣ୍ଣ ନିଖୋଜ । ଏହି ଗୀତ ଏତେ ପ୍ରସିଦ୍ଧ ହେଲା ଯେ ରାପର ବାଦଶାହ ମଧ୍ୟ ସାହଦେବଙ୍କ ସହ ଏହି ଗୀତକୁ ରେକର୍ଡ କରିଥିଲା ।
ଫରମାନି ନାଜ-
‘ହର ହର ଶମ୍ଭୁ’ ଗୀତ ସହିତ ଫରମାନି ନାଜ ବହୁ ଲୋକପ୍ରିୟତା ହାସଲ କରିଥିଲେ। ଏହି ଗୀତଟି ଲୋକପ୍ରିୟ ହେବାପରେ ଏହି ଗାୟକଙ୍କ ଅସୁବିଧା ମଧ୍ୟ ବଢିଯାଇଥିଲା | ବାସ୍ତବରେ, ‘ହର ହର ଶମ୍ଭୁ’ ଗୀତ ଫରମାନୀର ମୂଳ ଗୀତ ନୁହେଁ । ବିବାଦରେ ଛନ୍ଦି ହେବା ପରେ ଫରମାନିଙ୍କୁ ଏହି ଗୀତକୁ ୟୁଟ୍ୟୁବରୁ ଡିଲିଟ କରିବାକୁ ପଡିଥିଲା ଏବଂ ସେବେଠାରୁ ଫରମାନି ସୋସିଆଲ ମିଡିଆରୁ ନିଖୋଜ ହୋଇଗଲେ।
ଭୁବନ ବାଦାୟକର-
‘କଚ୍ଚା ବାଦାମ’ ଗୀତ ଗାଇ ରାସ୍ତାରେ ବାଦାମ ବିକ୍ରି କରୁଥିବା ଭୁବନ ବାଦକର ମଧ୍ୟ ସୋସିଆଲ ମିଡିଆରେ ଏକ ପରିଚୟ ସୃଷ୍ଟି କରିଥିଲେ। ଏହି ଗୀତ ଇନଷ୍ଟାଗ୍ରାମରେ ଏତେ ହିଟ୍ ହୋଇଥିଲା ଯେ ଏଥିରେ ୩ ଲକ୍ଷରୁ ଅଧିକ ରିଲ୍ ତିଆରି ହୋଇଥିଲା । କିନ୍ତୁ ଭୁବନ ବାଦାଇକରଙ୍କ ଏହି ଲୋକପ୍ରିୟତା ବେଶୀ ଦିନ ରହିପାରିଲା ନାହିଁ ।
