ଭୁବନେଶ୍ୱର: କେନ୍ଦ୍ର ସରକାର ଆଜି ସଂସଦରେ ୨୦୨୩-୨୪ ଆର୍ଥିକ ବର୍ଷ ପାଇଁ ସାଧାରଣ ବଜେଟ୍ ଉପସ୍ଥାପନ କରିଛନ୍ତି । ଏହି ବଜେଟରେ ଅନଲାଇନ୍ ଗେମିଂ ସେକ୍ଟର ବିଷୟରେ ଏକ ବଡ଼ ଘୋଷଣା କରାଯାଇଛି । ସଂସଦରେ ସାଧାରଣ ବଜେଟ୍ ଉପସ୍ଥାପନ କରି ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ଯେ ଅନଲାଇନ୍ ଗେମିଂରୁ ମିଳିଥିବା ଆୟ କିମ୍ବା ଆପଣ ଜିତୁଥିବା ମୋଟ ରାଶି ଉପରେ ୩୦ ପ୍ରତିଶତ ଟିକସ ଲାଗୁ କରାଯିବ।
୨୦୨୩-୨୪ ବଜେଟରେ ମୋଦି ସରକାର ଅନଲାଇନ୍ ଗେମିଂରେ ଜିତିଥିବା ମୋଟ ରାଶି ଉପରେ ୩୦ ପ୍ରତିଶତ ପର୍ଯ୍ୟନ୍ତ ଟିକସ ଲାଗୁ କରିବାକୁ ପ୍ରସ୍ତାବ ଦେଇଛନ୍ତି। ଏହା ସହିତ ଉତ୍ସ (ଟିଡିଏସ୍) ରେ ଟ୍ୟାକ୍ସ ରିହାତି ଉପରେ ୧୦,୦୦୦ ଟଙ୍କା ଥିବା ସୀମାକୁ ମଧ୍ୟ ରଦ୍ଦ କରିବାକୁ ଘୋଷଣା କରାଯାଇଛି। ବଜେଟରେ, ଅନଲାଇନ୍ ଗେମିଂ ଉପରେ ଟିଡିଏସ୍ ପାଇଁ ଦୁଇଟି ନୂତନ ବ୍ୟବସ୍ଥା ଆଣିବାକୁ ଏକ ପ୍ରସ୍ତାବ ଜାରି କରାଯାଇଛି।
ଗଣମାଧ୍ୟମର ରିପୋର୍ଟ ଅନୁଯାୟୀ, ୨୦୨୫ ସୁଦ୍ଧା ଭାରତରେ ଅନଲାଇନ୍ ଗେମିଂ କ୍ଷେତ୍ରରେ ରୋଜଗାର ୫ ବିଲିୟନ ଡ଼ଲାରରେ ପହଞ୍ଚିବ ବୋଲି ଆଶା କରାଯାଉଛି। ୨୦୨୩ ମସିହାରେ 5G ଟେକ୍ନୋଲୋଜିର ପ୍ରବର୍ତ୍ତନ ସହିତ ଏହି କ୍ଷେତ୍ର ଅଧିକ ଗତି ଲାଭ କରିଛି।
