ପାରିବାରିକ ବିବାଦ ମଧ୍ୟରେ ସୋସିଆଲ ମିଡିଆରେ ଅଭିନେତା ନୱାଜୁଦ୍ଦିନ ସିଦ୍ଦିକିଙ୍କ ଅଡିଓ ଭାଇରଲ
ଭୁବନେଶ୍ୱର: ବଲିଉଡର ପ୍ରସିଦ୍ଧ ଅଭିନେତା ନୱାଜୁଦ୍ଦିନ ସିଦ୍ଦିକି ଏବଂ ତାଙ୍କ ପତ୍ନୀ ଆଲିଆଙ୍କ ମଧ୍ୟରେ ବିବାଦ କିଛି ସମୟ ପାଇଁ ଚର୍ଚ୍ଚାର ବିଷୟ ପାଲଟିଛି। ଉଭୟ ଏକ ଆଇନଗତ ଯୁଦ୍ଧରେ ଜଡିତ। ଆଲିଆ ତାଙ୍କ ସୋସିଆଲ ନେଟୱାର୍କିଂ ସାଇଟ ଇନଷ୍ଟାଗ୍ରାମ ଆକାଉଣ୍ଟ ଜରିଆରେ ତାଙ୍କ ସ୍ୱାମୀ ନୱାଜୁଦ୍ଦିନଙ୍କ ବିରୋଧରେ କ୍ରମାଗତ ଭାବେ ଅଭିଯୋଗ କରୁଛନ୍ତି, ନିକଟରେ ଆଲିଆ ଏକ ଭିଡିଓ ସେୟାର କରିଛନ୍ତି ।
ଏହି ଦାବିଗୁଡିକ ମଧ୍ୟରେ ଆଲିଆ ବର୍ତ୍ତମାନ ଇନଷ୍ଟାଗ୍ରାମରେ ନୱାଜୁଦ୍ଦିନଙ୍କ ସହ ତାଙ୍କ ଯୁକ୍ତିର ରେକର୍ଡିଂ ଅଡିଓ ଲିକ୍ କରିଛନ୍ତି। ଆଲିଆ ତାଙ୍କ ଏହି ରେକର୍ଡିଂ ସେୟାର କରିବା ମାତ୍ରେ ଏହା ସୋସିଆଲ ମିଡିଆରେ ଭାଇରଲ ହୋଇଛି। ଏହି ରେକର୍ଡିଂରେ ନୱାଜ ତାଙ୍କ ମ୍ୟାନେଜରଙ୍କ ସହ ତାଙ୍କ ଝିଅକୁ ଅନ୍ୟ ଦେଶକୁ କିପରି ପଠାଇଲେ ସେ ନେଇ ଉଭୟଙ୍କ ମଧ୍ୟରେ ବିତର୍କ ଚାଲିଛି।
ନିଜ ଇନଷ୍ଟାଗ୍ରାମ ହ୍ୟାଣ୍ଡେଲରେ ଅଡିଓ କ୍ଲିପ୍ ସେୟାର କରି ଆଲିଆ ଲେଖିଛନ୍ତି, ‘ଏହା ହେଉଛି ନୱାଜଙ୍କ ବାସ୍ତବତା।’ ଲିକ୍ ହୋଇଥିବା ଫୋନ୍ କଲରେ ନୱାଜଙ୍କ ପତ୍ନୀ ତାଙ୍କୁ ପଚାରିଥିଲେ ଯେ ସେ କାହିଁକି ତାଙ୍କ ଝିଅକୁ ମ୍ୟାନେଜରଙ୍କ ସହ ପଠାଇଲେ ? ଏହା ଉପରେ ନୱାଜ କୁହନ୍ତି, ‘ସେ ମୋର କାମର ଯତ୍ନ ନିଅନ୍ତି । ମୁଁ ତାଙ୍କୁ ଅନୁମତି ଦେଲି କାରଣ ମୁଁ ତାଙ୍କ ଉପରେ ବିଶ୍ୱାସ କରେ । ଯଦି ତୁମେ ପୋଲିସର ଅଭିଯୋଗ କରିବାକୁ ଚାହୁଁଛ, ଯାଅ ଅଭିଯୋଗ କର। ଯାହାକୁ ନେଇ ଏବେ ପୁଣି ବିବାଦ ଘେରକୁ ଚାଲିଆସିଛନ୍ତି ଅଭିନେତା ଜଣକ।
