() ଆଇପିଏଲ ୨୦୨୨ରେ ପ୍ରଥମ ଥର ସାମିଲ ହୋଇଥିବା ଲକ୍ଷ୍ନୌ ସୁପର ଜିଆଣ୍ଟ ଫ୍ରାଞ୍ଚାଇଜର ଲୋଗୋ ଉନ୍ମୋଚିତ ହୋଇଛି। ଲକ୍ଷ୍ମୌ ଟିମ୍ ତରଫରୁ ଲୋଗୋ ଜାରି କରାଯାଇଛି। ପୌରାଣିକ ଯୁଗର ଗରୁଡ଼ ପକ୍ଷୀକୁ ଫ୍ରାଞ୍ଚାଇଜର ଲୋଗୋ କରିଛି ଲକ୍ଷ୍ନୌ ସୁପର ଜିଆଣ୍ଟ ।
ଲୋଗୋରେ ବ୍ୟାଟ୍ ସହିତ ପକ୍ଷୀ ଲାଗିଥିବା ଦେଖିବାକୁ ମିଳିଛି। ଆଉ ଏହା ମଧ୍ୟରେ ଟିମ୍ର ନାମ ଲେଖାହୋଇଛି। ଟ୍ଵିଟରରେ ଏକ ଭିଡିଓ ରିଲିଜ ହୋଇଛି। ଏ ସମ୍ପର୍କରେ ଫ୍ରାଞ୍ଚାଇଜ କହିଛି ଯେ, ଭଗବାନ ବିଷ୍ନୁଙ୍କର ବାହନ ହେଉଛି ଗରୁଡ଼ ପକ୍ଷୀ । ଏହି ପକ୍ଷୀ ଅତି ଶକ୍ତଶାଳୀ ଏବଂ ଏହା ସହଜରେ ଚାରିଆଡେ ଭ୍ରମଣ କରି ପାରିବ । ଫ୍ରାଞ୍ଚାଇଜ ଲୋଗୋରେ ଗରୁଡ ପକ୍ଷୀକୁ ବିଭିନ୍ନ ରଙ୍ଗ ଦିଆଯାଇଛି। ପକ୍ଷୀର ଦେହକୁ ନୀଳ ରଙ୍ଗରେ ତିଆରି ଏକ ବ୍ୟାଟରେ ସଜ୍ଜିତ କରାଯାଇଛି । ଏହା କ୍ରିକେଟର ଗୁରୁତ୍ୱ ବହନ କରିଥାଏ ।
ସୂଚନାଯୋଗ୍ୟ, ଲକ୍ଷ୍ମୌ ସୁପରଜିଆଣ୍ଟ ଆଇପିଏଲ ଇତିହାସର ସବୁଠାରୁ ମହଙ୍ଗା ଟିମ୍। ଯାହାକୁ ଆରପି ସଂଜୟ ଗୋଏଙ୍କା ଗ୍ରୁପ ୭୦୯୦ କୋଟି ଟଙ୍କାରେ କିଣିଛି। ଆଉ ପୂର୍ବତନ ଭାରତୀୟ କ୍ରିକେଟର ତଥା ଓପନିଂ ବ୍ୟାଟର ଗୌତମ ଗମ୍ଭୀର ଏହି ଫ୍ରାଞ୍ଚାଇଜର ମେଣ୍ଟର , ପୂର୍ବତନ ଜିମ୍ବାୱେ କ୍ରିକେଟ ଅଧିନାୟକ ଆଣ୍ଡି ଫ୍ଲାୱାର ମୁଖ୍ୟ କୋଚ ଓ କେ ଏଲ ରାହୁଲ ଅଧିନାୟକ ନିଯୁକ୍ତ ହୋଇଛନ୍ତି ।
