ଲାହୋର: ପାକିସ୍ତାନର ବଲୁଚିସ୍ତାନରେ ସୁରକ୍ଷାବାହିନୀ କ୍ୟାମ୍ପ ଉପରେ ହୋଇଥିବା ଆତଙ୍କବାଦୀ ଆକ୍ରମଣକୁ ଜବାବ ଦେବାକୁ ପାକିସ୍ତାନୀ ସୈନ୍ୟବାହିନୀ ଅପରେସନ୍ ଆରମ୍ଭ କରିଛି। ସେନା କହିଛି ଯେ ଏହି ଅପରେସନରେ ୨୦ ଜଣ ଆତଙ୍କବାଦୀ ନିହତ ହୋଇଛନ୍ତି ଏବଂ ଅପରେସନ ସଫଳତାର ସହିତ ଶେଷ ହୋଇଛି | ସେନା କହିଛି ଯେ ଆତଙ୍କବାଦୀମାନେ ବୁଧବାର ଦିନ ନୋସେକି ଏବଂ ପଞ୍ଜଗୁର ଅଞ୍ଚଳରେ ସେନା ଶିବିର ଉପରେ ଆକ୍ରମଣ କରିଥିଲେ |
ଆଉ ଏହାକୁ ଜବାବ ଦେବାକୁ ପାକିସ୍ତାନୀ ସେନା ସ୍ୱତନ୍ତ୍ର ଅପରେସନ ଆରମ୍ଭ କରିଥିଲା | ପାକିସ୍ତାନୀ ସେନା ପକ୍ଷରୁ କୁହାଯାଇଛି ଯେ ଏହି ଅପରେସନ୍ ସମୟରେ ଉଭୟପକ୍ଷରୁ ହୋଇଥିବା ସଂଘର୍ଷରେ ୯ ଜଣ ସୈନିକ ଏବଂ ୨୦ ଜଣ ଆତଙ୍କବାଦୀ ନିହତ ହୋଇଛନ୍ତି। ସୂଚନା ଥାଉ କି ବଲୁଚିସ୍ତାନର ଆତଙ୍କବାଦୀ ସଂଗଠନ ବଲୁଚିସ୍ତାନ ଲିବରେସନ ଆର୍ମି ବା ବିଏଲଏ ଆଜି ଦାବି କରିଛି ଯେ ବୁଧବାର ଦିନ ପାକିସ୍ତାନୀ ସେନାର ଫ୍ରଣ୍ଟିଅର୍ କର୍ପସ କ୍ୟାମ୍ପକୁ ଟାର୍ଗେଟ କରାଯାଇଥିଲା |
ଯେଉଁଥିରେ ୧୭୦ ଜଣ ପାକିସ୍ତାନୀ ସୈନିକଙ୍କ ମୃତ୍ୟୁ ଘଟିଥିଲା | ବିଏଲ୍ଏ ଅଭିଯୋଗ କରିଛି ଯେ ପାକିସ୍ତାନୀ ସେନା ପଞ୍ଜଗୁରର ନାଗରିକଙ୍କୁ ଅପହରଣ ଓ ହତ୍ୟା କରିଛି। ଏହାପୂର୍ବରୁ, ମାଜିଦ୍ ବ୍ରିଗେଡ୍ର ନାମକ ଅନ୍ୟ ଏକ ୟୁନିଟ୍ ୨୦ ଘଣ୍ଟା ଧରି ନୁଶ୍କିରେ ଥିବା ସାମରିକ ମୁଖ୍ୟାଳୟକୁ ଟାର୍ଗେଟ କରିଥିଲା | ଏଥିରେ ଆତଙ୍କବାଦୀମାନେ ପ୍ରାୟ ୧୦୦ ସେନା କର୍ମଚାରୀଙ୍କୁ ହତ୍ୟା କରିଥିଲେ |
