ଚେନ୍ନାଇ: ଦୀର୍ଘ ୧୪ ବର୍ଷ ଧରି ନିରବଛିନ ଭାବେ ସେବା ଯୋଗାଇବା ପରେ ଭାରତୀୟ ମହାକାଶ ଗବେଷଣା ପ୍ରତିଷ୍ଠାନ-ଇସ୍ରୋ ଯୋଗାଯୋଗ ଉପଗ୍ରହ ‘ଇନସାଟ-୪ବି’କୁ ଡି-କମିଶନ ବା ସେବା ନିବୃତ କରିଛି କରିଛି। ଇସ୍ରୋ ପକ୍ଷରୁ ଜାରି ଏକ ବିବୃତ୍ତିରେ ସୂଚନା ଦିଆଯାଇଛି ଯେ ମହାକାଶର ବାହ୍ୟ ଅଂଚଳକୁ ଦୀର୍ଘସ୍ଥାୟୀ ରଖିବା ପାଇଁ ଭାରତର ନିରନ୍ତର ପ୍ରୟାସ ସ୍ୱରୂପ ‘ଇନସାଟ-୪ବି’କୁ ୧୪ ବର୍ଷ ପରେ ଗତ ଜାନୁଆରୀ ୨୪ରେ ନଷ୍ଟ କରିଦିଆଯାଇଛି। ଜାତିସଂଘ ଏବଂ ଇଣ୍ଟର ଏଜେନ୍ସି ସ୍ପେସ୍ ଡେବ୍ରିସ୍ କୋଡିନେସନ କମିଟି ନିୟମ ମୁତାବକ ଏଭଳି ପଦକ୍ଷେପ ନିଆଯାଇଛି।
