ଯୁଦ୍ଧ ବିରୋଧୀ ପ୍ରଦର୍ଶନରେ ୟୁକ୍ରେନ ସପକ୍ଷରେ ରୁଷବାସୀ, ରାସ୍ତାକୁ ଓହ୍ଲାଇଲେ ପ୍ରଦର୍ଶନକାରୀ; ସରକାର ଦେଲେ ଏଭଳି ଚେତାବନୀ

ମସ୍କୋ() ୟୁକ୍ରେନ୍ ରେ ବର୍ତ୍ତମାନ ଯୁଦ୍ଧ ପରିସ୍ଥିତି ଲାଗି ରହିଛି । ଯାହାର ପ୍ରଭାବ ସାଧାରଣ ନାଗରିକଙ୍କ ଉପରେ ଗଭୀର ଭାବରେ ଦେଖିବାକୁ ମିଳିଛି । ତେବେ ଏହା ଭିତରେ ହଜାର ହଜାର ସଂଖ୍ୟାରେ ନାଗରିକ ଯୁଦ୍ଧ ବିରୋଧୀ ପ୍ରଦର୍ଶନକୁ ଓହ୍ଲାଇଥିଲେ । ଯୁଦ୍ଧକୁ ରୋକିବା ପାଇଁ ପ୍ରଦର୍ଶନ କରିଥିଲେ । ଏହି କାରଣରୁ ରୁଷୀ ସେନା ମାନେ ୧୭୦୦ରୁ ଅଧିକ ପ୍ରଦର୍ଶନକାରୀଙ୍କୁ ଅଟକ ରଖିଛନ୍ତି ।

ଖାଲି ସେତିକି ନୁହେଁ ରୁଷୀ ଅଧିକାରୀ ମାନେ ଗୁରୁବାର ଦିନ ଯୁଦ୍ଧ ବିରୋଧୀ ପ୍ରଦର୍ଶନ କରୁଥିବା ଲୋକମାନେ ଏକାଠି ହେଲେ ସେମାନଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନିଆଯିବ ଏବଂ ଆଇନ ଅନୁସାରେ ଦଣ୍ଡିତ କରାଯିବ ବୋଲି ଚେତାବନୀ ଦେଇଛନ୍ତି । ମିଡିଆ ରିପୋର୍ଟ ମୁତାବକ, କିଛି ରୁଷୀୟ ନାଗରିକ ସୋସିଆଲ୍ ମିଡିଆରେ ୟୁକ୍ରେନ ଉପରେ ଆକ୍ରମଣ ବିରୋଧରେ ରାସ୍ତାକୁ ଓହ୍ଲାଇବାକୁ ଆହ୍ୱାନ ଦେଇଥିଲେ ।