ଧର୍ମଶାଳା() ଭାରତର ଅଧିନାୟକ ରୋହିତ ଶର୍ମା ଏକ ବଡ ରେକର୍ଡ ନିଜ ନାମରେ କରିବାକୁ ଯାଉଛନ୍ତି। ଧର୍ମଶାଳାର ହିମାଚଳ ପ୍ରଦେଶ କ୍ରିକେଟ୍ ଆସୋସିଏସନ ଷ୍ଟାଡିୟମରେ ଶ୍ରୀଲଙ୍କା ବିପକ୍ଷ ତୃତୀୟ ଟି-୨୦ରେ ମଇଦାନକୁ ଓହ୍ଲାଇବା ମାତ୍ରେ ରୋହିତ ବିଶ୍ଵରେ ସବୁଠୁ ଅଧିକ ଟି-୨୦ ଅନ୍ତର୍ଜାତୀୟ ମ୍ୟାଚ୍ ଖେଳିବାର ରେକର୍ଡ ନିଜ ନାମରେ କରିବେ।
ପୁରୁଷ ଟି-୨୦ ଅନ୍ତର୍ଜାତୀୟ କ୍ରିକେଟ୍ରେ ସବୁଠୁ ଅଧିକ ମ୍ୟାଚ୍ ଖେଳିବାର ରେକର୍ଡ ଏ ପର୍ଯ୍ୟନ୍ତ ପାକିସ୍ତାନର ବରିଷ୍ଠ ଖେଳାଳି ସୋଏବ ମଲିକଙ୍କ ନାମରେ ରହିଛି। ସେ ୧୨୪ଟି ଟି-୨୦ ଅନ୍ତର୍ଜାତୀୟ ମ୍ୟାଚ୍ ଖେଳିଛନ୍ତି। ରୋହିତ ଶର୍ମା ସମାନ ସଂଖ୍ୟକ ମ୍ୟାଚ୍ ଖେଳି ତାଙ୍କ ରେକର୍ଡର ସମକକ୍ଷ ହୋଇ ସାରିଛନ୍ତି। ଆଜିର ମ୍ୟାଚ୍ ଖେଳିବାକୁ ମଇଦାନକୁ ଓହ୍ଲାଇବା ମାତ୍ରେ ରୋହିତ ଶର୍ମା ସର୍ବାଧିକ ଟି-୨୦ ଅନ୍ତରାଷ୍ଟ୍ରୀୟ ମ୍ୟାଚ୍ ଖେଳିବାର ବିଶ୍ଵ ରେକର୍ଡ କରିବେ।
ଶ୍ରୀଲଙ୍କା ବିପକ୍ଷ ସିରିଜ୍ରେ ରୋହିତ ଶର୍ମା ଟି-୨୦ ଅନ୍ତରାଷ୍ଟ୍ରୀୟରେ ସର୍ବାଧିକ ରନ କରିବାର ରେକର୍ଡ ମଧ୍ୟ କରିଥିଲେ। ଏଥିସହ ତାଙ୍କର ଏଜର ଏବେ ସର୍ବାଧିକ ୫୦ରୁ ଉର୍ଦ୍ଧ୍ଵ ରନ କରିବାର ରେକର୍ଡ ଉପରେ ରହିଛି। ବର୍ତ୍ତମାନ ରୋହିତ ଏବଂ ବିରାଟ କୋହଲି ଯୁଗ୍ମ ଭାବେ ପ୍ରଥମ ସ୍ଥାନରେ ଅଛନ୍ତି।
