ବୁର୍ଲା: ବୁର୍ଲାରେ ରୋଗୀଙ୍କ ସମ୍ପର୍କୀୟଙ୍କୁ ହତ୍ୟା । ବୁର୍ଲା ଭୀମସାରକୁ ଚିକିତ୍ସା ପାଇଁ ଆସିଥିବା ରୋଗୀଙ୍କ ସମ୍ପର୍କୀୟଙ୍କୁ ହତ୍ୟା ଅଭିଯୋଗ । ମହୁଲପାଲି ଅଞ୍ଚଳର କପିଳ ନାୟକ ବୁର୍ଲା ଭୀମସାରର ଇଏନଟି ବିଭାଗରେ ଚିକିତ୍ସା ପାଇଁ ଆସିଥିଲେ । ଆଜି ସକାଳେ କପିଳଙ୍କ ପୁଅ ଲମ୍ବୋଦର ଓ ତାଙ୍କ ଭିଣୋଇ ଅଭିନ ସୁନ୍ଦର ଶୌଚ ପାଇଁ ଭୀମସାର ନିକଟ କେନାଲକୁ ଯାଇଥିଲେ । ଏହି ସମୟରେ ଅଭିନ କେନାଲ ନିକଟରେ ଶୌଚ ହେଉଥିବା ବେଳେ ଲମ୍ବୋଦର ରାସ୍ତା ଉପରେ ଛିଡା ହୋଇଥିଲେ । ଏହି ସମୟରେ କିଛି ଦୁର୍ବୃତ୍ତ ଲମ୍ବୋଦରଙ୍କ ପେଟକୁ ଭୁସି ହତ୍ୟା କରିଥିଲେ । ଖବର ପାଇ ବୁର୍ଲା ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରି ବୁର୍ଲା ମେଡିକାଲକୁ ପଠାଇବା ସହ ଏହି ମାମଲାରେ ଅଧିକ ତଦନ୍ତ ଜାରି ରଖିଛି । ଘଟଣା ସ୍ଥଳରେ ଅନୁସନ୍ଧାନୀ କୁକୁର ସହିତ ସାଇଣ୍ଟିଫିକ ଟିମର ତଦନ୍ତ ଆରମ୍ଭ। ଦୁଇଜଣ ଦୁର୍ବୁତ୍ତ ସ୍କୁଟିରେ ଆସି ହତ୍ୟା କରିଥିବା କହିଛନ୍ତି ପ୍ରତ୍ୟକ୍ଷଦର୍ଶୀ । ତେବେ ଏହି ହତ୍ୟା ମାମଲାରେ ବର୍ତ୍ତମାନ ସୁଦ୍ଧା ହତ୍ୟାକାରୀଙ୍କ କୌଣସି ସୁରାକ୍ ମିଳିପାରିନାହିଁ ।
