ବ୍ରହ୍ମପୁର() ବ୍ରହ୍ମପୁର ମହାନଗର ନିଗମ ଡେପୁଟି ମେୟର ନିର୍ବାଚନ ପାଇଁ ଚାଲିଛି ପ୍ରକ୍ରିୟା । ଇ. ବିବେକ୍ ରେଡ୍ଡି ହୋଇଛନ୍ତି ବିଜେଡିର ଡେପୁଟି ମେୟର ପ୍ରାର୍ଥୀ । ଅପରାହ୍ନ ଗୋଟାଏ ପୂର୍ବରୁ ପ୍ରାର୍ଥିପତ୍ର ପ୍ରତ୍ୟାହାର ପରେ ଗୋଟାଏ ୩୦ରୁ ୩ଟା ୩୦ ଭିତରେ ନିର୍ବାଚନ ଶେଷ ହେବ । ବ୍ରହ୍ମପୁର ମହାନଗର ନିଗମରେ ବିଜେଡି ପ୍ରାର୍ଥୀ ଡେପୁଟି ମେୟର ହେବା ପ୍ରାୟ ନିଶ୍ଚିତ । କାରଣ ବ୍ରହ୍ମପୁର ମହାନଗର ନିଗମର ୪୨ଟି ଆସନରୁ ବିଜେଡି ୩୦, ବିଜେପି ୭, କଂଗ୍ରେସ ୧ ଓ ସ୍ବାଧୀନ ପ୍ରାର୍ଥୀ ୪ଟି ଆସନରେ ବିଜୟୀ ହୋଇଛନ୍ତି । ତେଣୁ ସଂଖ୍ୟା ଦୃଷ୍ଟିରୁ ବିଜେଡି ଖାତାକୁ ଡେପୁଟି ମେୟର ପଦ ଆସିବ । ଅନ୍ୟପଟେ ବ୍ରହ୍ମପୁର ମହାନଗର ନିଗମର ମେୟର ଭାବେ ଶପଥ ନେଇଛନ୍ତି ସଂଘମିତ୍ରା ଦଳେଇ । ସେପଟେ ଆସନ୍ତାକାଲି ଭୁବନେଶ୍ୱର ମହାନଗର ପାଇଁ ହେବ ଡେପୁଟି ମେୟର ନିର୍ବାଚନ ।
