ପୁରୀ: ଶ୍ରୀମନ୍ଦିରରେ ଆଜି ଶ୍ରୀଜିଉଙ୍କ ରାଜେନ୍ଦ୍ରଭିଷେକ ନୀତି ପାଳନ କରାଯିବ । ପ୍ରତ୍ୟେକ ବର୍ଷ ଜ୍ୟେଷ୍ଠ ମାସ ଶୁକ୍ଳ ଦଶମୀରେ ଶ୍ରୀମନ୍ଦିରରେ ଅନୁଷ୍ଠିତ ହୁଏ ରାଜେନ୍ଦ୍ରଭିଷେକ ନୀତି । ଏହି ନୀତି ସମ୍ପନ୍ନ ପରେ ମଦନମୋହନ ଦେବ ଆଜ୍ଞାମାଳ ପ୍ରାପ୍ତ ହୋଇ ବଟ ଗଣେଶଙ୍କଠାରେ ଥିବା ଖଟ ଉପରେ ବିଜେ ହୋଇଥାନ୍ତି । ପୁରାଣ ଅନୁଯାୟୀ, ଜଣେ ଡଗର ଆସି ମଦନମୋହନଙ୍କ ଠାରେ ଦେବୀ ରୁକ୍ମିଣୀଙ୍କ ବିବାହ ପ୍ରସ୍ତାବ ଜଣାଇବା ସହ ରାଜେନ୍ଦ୍ରାଭିଷେକ ହେବା ନିମନ୍ତେ କହିବେ । ମଦନମୋହନ ମହାଜନମାନଙ୍କ ହସ୍ତରେ ବିଜେ ପୂର୍ବକ ବଟମୂଳେ ଥିବା ଏକ ସୁସଜ୍ଜିତ ରଥରେ ଆରୋହଣ କରିଥାନ୍ତି । ଏହାପରେ ଘଣ୍ଟ, ଛତା, କାହାଳି ବାଜି ବିମାନବଡୁ ରଥକୁ ବଡ଼ ଦେଉଳ ବେଢ଼ା ପରିକ୍ରମା କରି ପୁନଶ୍ଚ ବଟ ମୂଳେ ରଖିଥାନ୍ତି । ଏଠାରେ ବିଜେ ପ୍ରତିମାଙ୍କର ପଞ୍ଚାମୃତ ସ୍ନାନ ନୀତି କରାଯାଏ । ଏହାପରେ ଫୁଲ ଓ ଚନ୍ଦନରେ ବେଶ ହୋଇଥାନ୍ତି ମଦନମୋହନ । ଶୀତଳ ରୋଗରେ ଅମାଲୁ ଭୋଗ ହୋଇ ବନ୍ଦାପନା ବଢ଼ିବା ପରେ ଦକ୍ଷିଣି ଘରସ୍ଥ ତାଙ୍କ ଆସ୍ଥାନକୁ ବାହୁଡା ବିଜେ କରିଥାନ୍ତି ।
