ବ୍ରହ୍ମଗିରି: ଯୁବତୀଙ୍କ ଘର ଭିତରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି। ଏହା ହତ୍ୟା ନା ଆତ୍ମହତ୍ୟା, ସେନେଇ ପୁଲିସ ପକ୍ଷରୁ ତଦନ୍ତ ଆରମ୍ଭ ହୋଇଛି। ଏହି ଘଟଣାରେ ଯୁବତୀଙ୍କ ସମେତ ପରିବାରର ୫ଜଣଙ୍କୁ ଥାନାରେ ଅଟକ ରଖାଯାଇଛି। ଗତକାଲି ଅପରାହ୍ଣରେ ସାହୁପଡ଼ା ଗାଁର ସୂର୍ଯ୍ୟକାନ୍ତ ବିଶ୍ୱାଳ(୨୪) ନିଜର ପ୍ରେମିକା ସ୍ବାଗତିକା ବେହେରାଙ୍କ ଘରକୁ ଯାଇଥିଲେ। କିନ୍ତୁ ସେଠାରୁ ନ ଫେରିବା ଦେଖି ବାଧ୍ୟ ହୋଇ ସୂର୍ଯ୍ୟକାନ୍ତଙ୍କ ପରିବାର ଲୋକେ ଶଙ୍କର ବେହେରାଙ୍କ ଘରକୁ ଯାଇଥିଲେ।ସେଠାରେ ରାତି ପ୍ରାୟ ୧୧ଟା ବେଳେ ସେମାନେ ସୂର୍ଯ୍ୟକାନ୍ତଙ୍କ ଝୁଲନ୍ତା ମୃତଦେହ ଦେଖି ଥାନାକୁ ଖବର ଦେଇଥିଲେ । ତେବେ ସ୍ବାଗତିକା ବେହେରାଙ୍କ ସହ ପରିବାର ଲୋକଙ୍କୁ ପୋଲିସ ପଚରା ଉଚୁରା କରୁଛି ।
