ମୁମ୍ବାଇ: ବଲିଉଡର ଦବଙ୍ଗ ସଲମାନ ଖାନଙ୍କ ଫିଲ୍ମ ‘କଭି ଇଦ୍ କଭି ଦିୱାଲୀ’ ର ଷ୍ଟାର କାଷ୍ଟକୁ ନେଇ ପୁଣି ଚର୍ଚ୍ଚାରେ ଦାନା ଧରିଛି । ଟିଭିର ଚର୍ଚ୍ଚିତ ଅଭିନେତ୍ରୀ ଶେହନାଜ ଗିଲ ଏହି ଚଳଚ୍ଚିତ୍ର ମାଧ୍ୟମରେ ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି । ଏବେ ସୂଚନା ଆସୁଛି ଯେ ଶେହାନାଜ ଏହି ଫିଲ୍ମରେ ଜଣେ ପଞ୍ଜାବୀ ଅଭିନେତା ଜାସି ଗିଲଙ୍କ ସହ ରୋମାନ୍ସ କରିବେ । ଏହି ଫିଲ୍ମରେ ଉଭୟଙ୍କ ପ୍ରେମଭରା ଲଢେଇ ଦେଖିବାକୁ ମିଳିବ।
ପୂର୍ବରୁ ସଲମାନଙ୍କ ଭଣଜା ଆୟୁଷ ଶର୍ମାଙ୍କ ସହ ଶେହନାଜ ରୋମାନ୍ସ କରିବାକୁ ସ୍ଥିର ହୋଇଥିଲା । କିନ୍ତୁ କିଛି କାରଣରୁ ଆୟୁଷ ଏହି ଫିଲ୍ମରୁ ବାଦ ପଡିଛନ୍ତି । କୁହାଯାଉଛି ଯେ ଆୟୁଷ ଶର୍ମାଙ୍କ ଚରିତ୍ର ସଂପୂର୍ଣ୍ଣ ରୂପେ ବଦଳି ଯାଇଛି ଏବଂ ଏପର୍ଯ୍ୟନ୍ତ କୌଣସି ଅଭିନେତା ତାଙ୍କୁ ସ୍ଥାନାନ୍ତର କରିନାହାଁନ୍ତି ।
ନିକଟରେ ଖବର ଆସିଥିଲା ଯେ ଅଭିନେତା ଆୟୁଷ ଶର୍ମାଙ୍କ ଫିଲ୍ମରୁ ବାହାରିବା ଖବର ସୋସିଆଲ ମିଡିଆରେ ନକାରାତ୍ମକ ପ୍ରଭାବ ପକାଉଛି । ବରଂ ଏହା ସେ ଫିଲ୍ମର ଏକ ଅଂଶ ଏବଂ ଏହା ଜାଣି ଶୁଣି କରାଯାଇଛି ।
ଫରହାଦ୍ ଙ୍କ ନିର୍ଦ୍ଦେଶିତ ଏହି ଫିଲ୍ମରେ ସଲମାନଙ୍କ ସହ ଦକ୍ଷିଣର ପ୍ରସିଦ୍ଧ ଅଭିନେତ୍ରୀ ପୂଜା ହେଗଡେ ମୁଖ୍ୟ ଭୂମିକାରେ ନଜର ଆସିବେ । କିଛି ଦିନ ପୂର୍ବରୁ, ସଲମାନ ମଧ୍ୟ କଭି ଇଦ୍ କଭି ଦିୱାଲୀ ଫିଲ୍ମ ସେଟରୁ ତାଙ୍କର ପ୍ରଥମ ଲୁକ୍ ସେୟାର କରିଥିଲେ ।
