ଢେଙ୍କାନାଳ: ଢେଙ୍କାନାଳ ସହରର ରାମେଶ୍ୱରପୁର ରେଳ ଧାରଣା ନିକଟରେ ଏକ ବ୍ରାଉନ ସୁଗାର ଆଡ୍ଡା ଉପରେ ଗତ ରାତିରେ ଟାଉନ ପୋଲିସ ଚଢ଼ାଉ କରିଛି । ଏହି ଚଢ଼ାଉ ବେଳେ ବ୍ରାଉନ ସୁଗାର କାରବାର କରିଥିବା ୩ଜଣଙ୍କୁ ଗିରଫ କରିଛି ପୁଲିସ ।
ତାଙ୍କ ଠାରୁ ଏକ ମାରୁତି କାର ସହ ୧୬.୭ଗ୍ରାମ ବ୍ରାଉନ ସୁଗାର ଜବତ କରିଛି ପୋଲିସ । ଏହା ସହ ଏକ ମାରୁତି ୮୦୦ କାର, ୪୦ ହଜାର ୮ଶହ ଟଙ୍କା, ୫ଟି ମୋବାଇଲ ଓ ସେମାନେ ପିନ୍ଧିଥିବା ସୁନା ଚେନ, ବ୍ରେସଲେଟ ଓ ଗୋଟିଏ ମୁଦିକୁ ମଦ୍ୟ ଜବତ କରିଛି ପୋଲିସ ।
ଗିରଫ ତିନିଜଣ ହେଲେ ଢେଙ୍କାନାଳ ସହର ବାଜିଚୌକ ଜୟଗୋପାଳ ସାହିର ରାହୁଲ ରାଉତ, ରଗଡି ସାହିର ଗଣେଶ ନାଥ ଓ ମୋଟଙ୍ଗା ଥାନା ଅନ୍ତର୍ଗତ ବୁଢ଼ାପଙ୍କ ଗ୍ରାମର ସୌମ୍ୟରଂଜନ ଦାସ ବୋଲି ଜଣାପଡିଛି । ପୋଲିସ ଏମାନଙ୍କୁ ଗିରଫ କରି ଆଜି କୋର୍ଟ ଚାଲାଣ କରିଛି ।
