କରୋନା କଟକଣା କୋହଳ ହୋଇଥିଲେ ବି କଟକ ବାରବାଟୀ ମ୍ୟାଚ୍ ରେ କିନ୍ତୁ ପ୍ରବେଶ ଉପରେ କଟକଣା ଲଗାଯାଇଛି । କୌଣସି ଦର୍ଶକ ବିନା ମାସ୍କରେ ଷ୍ଟାଡ଼ିୟମ ଭିତରକୁ ପ୍ରବେଶ କରିପାରିବେ ନାହିଁ । ଏଥିନେଇ ଟିକେଟ୍ରେ ନୋ ମାସ୍କ ନୋ ଏଣ୍ଟ୍ରି ଲେଖାଯାଇଛି । କେବଳ ଦର୍ଶକ ନୁହନ୍ତି ଷ୍ଟାଡିୟମ୍ରେ ମୁତୟନ ପୋଲିସ ମଧ୍ୟ ପିନ୍ଧିବା ବାଧ୍ୟତା ମୂଳକ କରାଯାଇଛି । କଟକର ବାରବାଟୀ ଟି-୨୦ ମ୍ୟାଚ୍ ପାଇଁ ଡିସିପି ପିନାକ ମିଶ୍ର ସହରବାସୀଙ୍କ ସହଯୋଗ ଲୋଡ଼ିଛନ୍ତି। ଶନିବାର ଏକ ସାମ୍ବାଦିକ ସମ୍ମିଳନୀରେ ଡିସିପି ଷ୍ପଷ୍ଟ କରିଛନ୍ତି ଯେ ଷ୍ଟାଡିୟମ ଭିତରକୁ ପାଣି ବୋତଲ ଓ ବାହାର ଖାଦ୍ୟ ନେଇହେବ ନାହିଁ। ଏହାସହ ମ୍ୟାଚ୍ ବକ୍ସ, ହେଲ୍ମେଟ୍, ବ୍ୟାଗ ମଧ୍ୟ ଷ୍ଟାଡିୟମ ଭିତରକୁ ଅନୁମତି ନାହିଁ। ଖୁଚୁରା ପଇସା ନଆଣିଲେ ଭଲ ବୋଲି ସେ କହିଛନ୍ତି। ଏହି ମ୍ୟାଚ୍ ପାଇଁ ୬୨ ପ୍ଲାଟୁନ ଫୋର୍ସ ମୁତୟନ ରହିବେ। ୩ ଜଣ ଡିସିପି, ୭ ଜଣ ଅତିରିକ୍ତ ଡିସିପି, ୩୨ ଜଣ ACP, ୪୫ ଇନ୍ସପେକ୍ଟର, ୨୭୦ SI ରାଙ୍କ୍ ଅଧିକାରୀ, ୧୧୩ ଜଣ ଟ୍ରାଫିକ ପୋଲିସ, ୪୩ ଜଣ ମହିଳା କନଷ୍ଟେବଲ୍ ମୁତୟନ ହେବେ। ଅପରାହ୍ଣ ୩ଟାରେ ବାରବାଟୀ ଷ୍ଟାଡିୟମର ଗେଟ ଖୋଲିବ।
