ଚଣ୍ଡିଗଡ: ଚର୍ଚ୍ଚାରେ ପୂର୍ବତନ ଚାମ୍ପିୟନ ଦ ଗ୍ରେଟ ଖଲି। ବିଗିଡିଗଲା ତାଙ୍କ ମୁଡ୍। ଟୋଲ ପ୍ଲାଜା କର୍ମଚାରୀଙ୍କ ଉପରକୁ ଉଠାଇଲେ ହାତ। ତାଙ୍କୁ ମାରିଲେ ଜୋରଦାର ଚାପୁଡା। ରେସ୍ଲର ଖଲି ଟୋଲ ପ୍ଲାଜାର ଜଣେ କର୍ମଚାରୀଙ୍କୁ ମାଡ ମାରିଥିବା ଅଭିଯୋଗ ଆସିଛି। ଏହି ପୂରା ଝଗଡାର ଭିଡ଼ିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି।
ମିଳିଥିବା ସୂଚନା ମୁତାବକ, ଟୋଲ ପ୍ଲାଜାରେ ଦ ଗ୍ରେଟ୍ ଖଲିଙ୍କୁ ଆଇଡି କାର୍ଡ ମାଗିବାରୁ କର୍ମଚାରୀଙ୍କୁ ମାଡ ମାରିଥିବା ନେଇ ଅଭିଯୋଗ ହୋଇଛି। ଅନ୍ୟପଟେ ଖଲି କହିଛନ୍ତି ତାଙ୍କୁ ଟୋଲ ପ୍ଲାଜାରେ ହଇରାଣ କରାଯାଇଛି। ଟୋଲ ପ୍ଲାଜାରେ ଜଣେ କର୍ମଚାରୀ ସେଲ୍ଫି ନେବାକୁ କାର୍ ଭିତରକୁ ପଶିବାକୁ ପ୍ରୟାସ କରିଥିଲ । ଖଲି ଏହାକୁ ବାରଣ କରିଥିଲେ ମଧ୍ୟ ସେ କିଛି ଶୁଣି ନଥିଲା। ଏହା ପରେ ଏଭଳି ସ୍ଥିତି ଉପୁଜିଥିଲା।
Viral Video of Argument between WWE Superstar ‘The Great #Khali‘ and Toll workers, Somewhere In Punjab. pic.twitter.com/MsCdPslcLs
— Nikhil Choudhary (@NikhilCh_) July 11, 2022
‘ଦି ଗ୍ରେଟ୍ ଖଲି’ ଭାବେ ସୁପରିଚିତ ଦିଲୀପ ସିଂହ ରାଣା ପ୍ରଥମେ ୨୦୦୦ରେ ପେସାଦାର କୁସ୍ତିରେ ସାମିଲ ହୋଇଥିଲେ। ପଞ୍ଜାବର ପୂର୍ବତନ ପୁଲିସ ଅଧିକାରୀ ଥିବା ‘ଗ୍ରେଟ୍ ଖଲି’ ୨୦୦୬ରୁ ୨୦୧୪ ପର୍ଯ୍ୟନ୍ତ ‘ଡବ୍ଲୁଡବ୍ଲୁଇ’ ସହ ସମ୍ପୃକ୍ତ ଥିଲେ। ସେଥିରେ ସେ ଚାମ୍ପିଅନ ହୋଇଥିଲେ। କିନ୍ତୁ, ୨୦୦୭ ‘ୱାନ୍ ନାଇଟ୍ ଷ୍ଟାଣ୍ଡ୍’ରେ ଜନ୍ ସିନା ତାଙ୍କୁ ପରାସ୍ତ କରିଥିଲେ। ରେସଲର ଦୁନିଆରୁ ଫେରିବା ପରେ ଏବେ ଖଲି ବିଜେପିରେ ସାମିଲ ହୋଇଛନ୍ତି । ତେବେ ଏଯାବତ ଖଲି କୌଣସି ନିର୍ବାଚନ ଲଢିନାହାନ୍ତି।
