ଢେଙ୍କାନାଳ: ଗିରଫ ହେଲେ ଡାକ୍ତର ଉମାକାନ୍ତ ଖେଜୁରିଆ । ଆଜି କୋର୍ଟ ଚାଲାଣ କରିବ ଭିଜିଲାନ୍ସ । ସାମ୍ନାକୁ ଆସିଛି ଡାକ୍ତର ବାବୁଙ୍କ ରସିକିଆ ରିଲ୍ସ । କେବଳ ରିଲ୍ସ ନୁହେଁ ଡାକ୍ତର ବାବୁ ବହୁ ଆଲବମରେ ନିଜେ ଅଭିନୟ କରିବା ସହିତ ବହୁ ଟଙ୍କା ବିନିଯୋଗ କରିଥିଲେ । ଯାହାର ଖୋଳତାଡ଼ କରୁଛି ଭିଜିଲାନ୍ସ ବିଭାଗ । ଢେଙ୍କାନାଳ ହସ୍ପିଟାଲର ମେଡିସିନ ସ୍ପେସିଆଲିଷ୍ଟ ଉମାକାନ୍ତ ଖେଜୁରିଆଙ୍କୁ ଗତକାଲି ଲାଞ୍ଚ ନେବା ବେଳେ ଧରିଥିଲା ଭିଜିଲାନ୍ସ ।
ଏଲଆଇସି ଡେଥ୍ କ୍ଲେମ୍ କେସ୍ ବାବଦରେ ଫର୍ମ ଦସ୍ତଖତ କରାଇଦେବା ପାଇଁ ଏଜେଣ୍ଟଙ୍କଠାରୁ ୧୧ ହଜାର ଟଙ୍କା ଲାଞ୍ଚ ନେଉଥିଲେ ଉମାକାନ୍ତ । ଖବର ପାଇ ମାଡ଼ି ବସିଲା କଟକ ଓ ଢେଙ୍କାନାଳ ଭିଜିଲାନ୍ସ ଟିମ୍ । ଢେଙ୍କାନାଳ ସଦର ବ୍ଲକ ଚାଉଳିଆ ଗାଁର ପଲିସି ହୋଲ୍ଡର ନନ୍ଦିନୀ ନାୟକ ଏଲଆଇସିରେ ଏକ ବୀମା ପଲିସି କରିଥିଲେ । ତାଙ୍କର ମୃତ୍ୟୁ ପରେ ଡେଥ୍ କ୍ଲେମ୍ ପାଇଁ ଏଲଆଇସି ଏଜେଣ୍ଟ ବୈକୁଣ୍ଠ ଚରଣ ସାହୁଙ୍କ ନିକଟରୁ ଫର୍ମ ଦସ୍ତଖତ ବାବଦକୁ ୧୧ ହଜାର ଟଙ୍କା ନେଉଥିଲେ ଡାକ୍ତର ଉମାକାନ୍ତ
