ଭୁବନେଶ୍ୱର: ଅନେକ ଥର ଫେସବୁକ୍ ବ୍ୟବହାର କରୁଥିବା ଉପଭୋକ୍ତାମାନେ ସଚେତନ ନୁହଁନ୍ତି । ବେଳେ ବେଳେ ଏମିତି କିଛି ଭୁଲ୍ କରନ୍ତି, ଯାହାଦ୍ୱାରା ସେମାନେ ଆଇନଗତ ଅସୁବିଧାର ସମ୍ମୁଖୀନ ହୋଇପାରନ୍ତି, ଏପରିକି ସେମାନଙ୍କୁ ଜେଲ୍ ମଧ୍ୟ ଯିବାକୁ ପଡିଥାଏ। ତେବେ ସେଗୁଡିକ କଣ ଆସନ୍ତୁ ଜାଣିବା ଆଉ ସଚେତନ ହେବା ।
ଯଦି ଆପଣ ଏକ ପୋଷ୍ଟ ଲେଖନ୍ତି ଯେଉଁଥିରେ ଏକ ନିର୍ଦ୍ଦିଷ୍ଟ ବ୍ୟକ୍ତିଙ୍କ ବିରୁଦ୍ଧରେ ଅପମାନଜନକ ଭାଷା ବ୍ୟବହାର କରାଯାଇଛି, ତେବେ ଆଇଟି ନିୟମ ଅନୁଯାୟୀ ଏହିପରି ପୋଷ୍ଟ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରିବ ଏବଂ ଏହାକୁ ପୋଷ୍ଟ କରିଥିବା ବ୍ୟକ୍ତିଙ୍କୁ ଜେଲ ଯିବାକୁ ପଡିପାରେ।
ଯଦି ଆପଣ ଫେସବୁକ୍ ମାଧ୍ୟମରେ ଜଣେ ବ୍ୟକ୍ତି କିମ୍ବା କୌଣସି ସଂସ୍ଥା କିମ୍ବା ସମ୍ପ୍ରଦାୟର ଆପତ୍ତିଜନକ ଫଟୋ ସେୟାର କରନ୍ତି, ତେବେ ଆପଣଙ୍କୁ ଜେଲ୍ ଯିବାକୁ ପଡିପାରେ।
ଯଦି ଏକ ନିର୍ଦ୍ଦିଷ୍ଟ ଜାତି କିମ୍ବା ସମ୍ପ୍ରଦାୟ ବିରୁଦ୍ଧରେ ଟିପ୍ପଣୀ ଦିଆଯାଏ କିମ୍ବା ଯଦି ଜାତି-ନିର୍ଦ୍ଦିଷ୍ଟ ଶବ୍ଦ ବ୍ୟବହାର କରାଯାଏ, ତେବେ ଏପରି ବ୍ୟକ୍ତିଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରେ ଏବଂ ସେମାନଙ୍କୁ ଜେଲ୍ ଯିବାକୁ ପଡିପାରେ।
