କରଞ୍ଜିଆ: ଚାଷ କରିବାକୁ ଯାଇଥିଲେ । ଆକ୍ରମଣ କଲା ଭାଲୁ । ଲହୁଲୁହାଣ ବି ହେଲେ ଯୁବକ । ଏପରି ଅଭାବନୀୟ ଘଟଣା ଘଟିଛି ମୟୂରଭଞ୍ଜ ଜିଲ୍ଲା କରଞ୍ଜିଆ ବନଖଣ୍ଡ ସାତକୋଶିଆ ରେଞ୍ଜ ଜାମନଣ୍ଡା ଗାଁରେ ।
ଲୂଚନାନୁସାରେ, ଜଳଧର ପ୍ରଧାନ ନାମକ ଜଣେ ବ୍ୟକ୍ତି ଚାଷ କାମ କରିବାକୁ ଯାଇଥିଲେ । ଏହି ସମୟରେ ତାଙ୍କୁ ଏକ ଭାଲୁ ଆକ୍ରମଣ କରିଥିଲା । ଏଥିରେ ସେ ଗୁରୁତର ହୋଇଥିଲେ । ଗୁରୁତ୍ୱର ଅବସ୍ଥାରେ ତାଙ୍କୁ ପ୍ରଥମେ ସାତକୋଶିଆ ଓ ପରେ ଠାକୁରମୁଣ୍ଡା ମେଡ଼ିକାଲରେ ଭର୍ତ୍ତି କରାଯାଇଥିଲା ।
ସୂଚନାଯୋଗ୍ୟ, ଶନିବାର ସନ୍ଧ୍ୟାରେ ବି ଏଠାରେ ଜଣଙ୍କୁ ଭାଲୁ ଆକ୍ରମଣ କରିଥିଲା । ୧୪ ଘଣ୍ଟା ମଧ୍ୟରେ ସାତକୋଶିଆ ରେଞ୍ଜ ଅଞ୍ଚଳରେ ପୃଥକ ପୃଥକ ଗାଁରେ ଦୁଇ ଜଣକୁ ଭାଲୁ ଆକ୍ରମଣ କରିଥିବାରୁ ସ୍ଥାନୀୟ ଲୋକେ ଆତଙ୍କିତ ଅବସ୍ଥାରେ ରହିଛନ୍ତି ।
