ଭୁବନେଶ୍ଵର: ମଣିଷର ମୃତ୍ୟୁ ପର୍ଯ୍ୟନ୍ତ ରହିଥାଏ ତାର ଛାଇ । ସେ ହିଁ ଆଜୀବନ ଜୀବନସାଥୀ । କିନ୍ତୁ ଖୁବ୍ ଶୀଘ୍ର ଆଉ ଏହି ଛାଇ ଦେଖାଯିବ ନାହିଁ । ନିକଟରେ ଏପ୍ରିଲ ୨୫ ତାରିଖରେ ବେଙ୍ଗାଲୁରୁରେ ପାଖାପାଖି ୧ ମିନିଟ୍ ୩୦ ସେକେଣ୍ଡ ପର୍ଯ୍ୟନ୍ତ କାହାର ଛାଇ ଦେଖାଯାଇନଥିଲା । ଦିନ ୧୨ଟା ୧୭ ସମୟରେ ଏହି ବିରଳ ଦୃଣ୍ୟ ଦେଖିବାର ସୁଯୋଗ ପାଇଥିଲେ । କିନ୍ତୁ ଖୁବ୍ ଶୀଘ୍ର ଏହି ଘଟଣା ଓଡ଼ିଶାବାସୀଙ୍କ ସହ ଘଟିବାକୁ ଯାଉଛି । ଚଳିତ ମାସ ୨୧ରେ ଭୁବନେଶ୍ୱରରେ ଦେଖିବାକୁ ମିଳିବ ଶୂନ୍ୟ ଛାୟା ଦିବସ ।
ଏହାପରେ ଜୁନ୍ ୨୨ରେ ବାରିପଦାରେ ମଧ୍ୟ ଏହି ବିରଳ ଦୃଶ୍ୟ ଦେଖାଯିବ । ଏନେଇ ସୂଚନା ସେଇଛନ୍ତି ପଠାଣି ସାମନ୍ତ ପ୍ଲାନେଟୋରିୟମ ଡେପୁଟି ଡାଇରେକ୍ଟର । ସମୟ ସହ ଅକ୍ଷାଂଶ ଧୀରେ ଧୀରେ ବୃଦ୍ଧି ପାଇବାକୁ ଲାଗେ । ଉତ୍ତରାୟଣ ଏବଂ ଦକ୍ଷିଣାୟନ ପାଇଁ ବର୍ଷକୁ ଦୁଇଥର ଜିରୋ ସ୍ୟାଡ୍ ଡେ ବା ଶୂନ୍ୟ ଛାୟା ଦିବସ ଦେଖାଯାଏ । ଏହା ବିଭିନ୍ନ ଅଞ୍ଚଳରେ ଭିନ୍ନ ଭିନ୍ନ ସମୟରେ ଦେଖାଯାଏ । ଏହି ସମୟରେ ସୂର୍ଯ୍ୟ ମଧ୍ୟାହ୍ନ ସମୟରେ ଠିକ୍ ମୂଣ୍ଡ ଉପରେ ରହିଥାଏ । ଯାହାଫଳରେ ଛାଇ ଆଦୌ ଦେଖାଯାଏ ନାହିଁ । ତେବେ ଏହି କଥାକୁ ନେଇ ସାଧାରଣରେ ଅନେକ ଚର୍ଚ୍ଚା ହେଉଛି। ଆଉ କିଛିଜଣ ଏହି ବିରଳ ମୁହୂର୍ତ୍ତକୁ ପରଖିବାକୁ ଖୁବ ଉତ୍ସାହର ସହ ଅପେକ୍ଷା କରିଥିବା କହିଛନ୍ତି।
