୨୦୨୪ ବର୍ଷରେ ହେବାକୁ ଥିବା କିଛି ଘଟଣାକୁ ନେଇ ବହୁ ପୂର୍ବରୁ ଭବିଷ୍ୟବାଣୀ କରିଛନ୍ତି ବୁଲଗେରିଆର ଅନ୍ଧ ଭବିଷ୍ୟଦ୍ରଷ୍ଟା ବାବା ଭେଙ୍ଗା ।୨୦୨୪ ପାଇଁ ଭେଙ୍ଗା ବାବା କରିଥିବା ଭବିଷ୍ୟବାଣୀ ଭିତରେ ସବୁଠାରୁ ବଡ଼ ଘଟଣା ହେଉଛି ପୁତିନଙ୍କ ହତ୍ୟା । ଏହିବର୍ଷ ଋଷ ରାଷ୍ଟ୍ରପତି ବ୍ଲାଦିମିର ପୁତିନଙ୍କୁ ହତ୍ୟା କରାଯାଇପାରେ ବୋଲି ଭବିଷ୍ୟବାଣୀ କରିଛନ୍ତି ଭେଙ୍ଗା ବାବା । ଏଥିପାଇଁ ଜଣେ ଋଷ ନାଗରିକ ହିଁ ଅଭିଯୁକ୍ତ ରହିବେ ବୋଲି ମଧ୍ୟ ସେ ନିଜ ଭବିଷ୍ୟବାଣୀ କହିଛନ୍ତି ।
ସାରା ୟୁରୋପରେ ଆତଙ୍କବାଦୀ ବୃଦ୍ଧିକୁ ନେଇ ମଧ୍ୟ ଭେଙ୍ଗା ବାବା ଭବିଷ୍ୟବାଣୀ କରିଛନ୍ତି । ତେବେ ଏହାର ସମାଧାର ପାଇଁ ମଧ୍ୟ ସେ ରାସ୍ତା ଦେଖାଇଛନ୍ତି । ସେ କହିଛନ୍ତି ଯେ, ବିଶ୍ୱର ଏକ ପ୍ରମୁଖ ରାଷ୍ଟ୍ର ୨୦୨୪ ମସିହାରେ ଜୈବିକ ଅସ୍ତ୍ରର ପରୀକ୍ଷଣ କରିପାରେ କିମ୍ବା ଆକ୍ରମଣର ସାମ୍ନା କରିପାରେ । ବାବାଙ୍କ ଏହି ଭବିଷ୍ୟବାଣୀ ସମସ୍ତ ୟୁରୋପୀୟ ଦେଶଙ୍କୁ ଚିନ୍ତାରେ ପକାଇ ଦେଇଛି ।
୨୦୨୪ ମସିହାରେ ପ୍ରାକୃତିକ ବିପତ୍ତିର ବୃଦ୍ଧିକୁ ନେଇ ଭବିଷ୍ୟବାଣୀ କରିଛନ୍ତି ବାବା ଭେଙ୍ଗା । ଏଥିରେ ଜଳବାୟୁ ସମ୍ବନ୍ଧୀୟ ଘଟଣାମାନ ସହିତ ବିକିରଣ ସ୍ତରରେ ବୃଦ୍ଧି ହେବାର ସମ୍ଭାବନା ମଧ୍ୟ ସାମିଲ ରହିଛି ।
ଋଣବୃଦ୍ଧି, ବୈଶ୍ୱିକ ସ୍ତରରେ ଉତ୍ତେଜନା ଏବଂ ପଶ୍ଚିମରୁ ପୂର୍ବ ପର୍ଯ୍ୟନ୍ତ ସତ୍ତାରେ ପରିବର୍ତ୍ତନ ଯୋଗୁଁ ଆସନ୍ତା ସମୟରେ ଆର୍ଥିକ ସଂକଟ ହୋଇପାରେ ବୋଲି ଇସାରା ଦେଇଛନ୍ତି ଭବିଷ୍ୟବକ୍ତା ବାବା ଭେଙ୍ଗା ।
ଭେଙ୍ଗା ବାବାଙ୍କ ଅନୁସାରେ, ହ୍ୟାକର୍ସ ମାନେ ପାୱାର ଗ୍ରୀଡ ଏବଂ ୱାଟର ଟ୍ରିଟମେଣ୍ଟ ଫ୍ୟାସିଲିଟି ଭଳି ମହତ୍ତ୍ୱପୂର୍ଣ୍ଣ ଭିତ୍ତିଭୂମି ଉପରକୁ ଟାର୍ଗେଟ କରିପାରନ୍ତି । ଏହାଦ୍ୱାରା ଜାତୀୟ ସୁରକ୍ଷା ଉପରେ ବିପଦ ସୃଷ୍ଟି ହୋଇପାରେ ।
୨୬ ବର୍ଷ ପୂର୍ବରୁ ପ୍ରାଣ ହରାଇ ସାରିଥିବା ବାବା ଭେଙ୍ଗାଙ୍କ ଅନେକ ଭବିଷ୍ୟବାଣୀ ସତ ହୋଇସାରିଛି । ଏଥିରେ ୯/୧୧ ଆକ୍ରମଣ ଏବଂ ୟୁକ୍ରେନ ଯୁଦ୍ଧ ଇତ୍ୟାଦି ସମିଲ ରହିଛି । ତେବେ ୨୦୨୪ ପାଇଁ ସେ ଏଭଳି କିଛି ଭବିଷ୍ୟବାଣୀ କରିଛନ୍ତି । ତେବେ ଭେଙ୍ଗାବାବାଙ୍କ ଭବିଷ୍ୟବାଣୀର କୌଣସି ବିଜ୍ଞାନସମ୍ମତ ପ୍ରମାଣ ନାହିଁ । କିନ୍ତୁ ତାଙ୍କର କିଛି ଭବିଷ୍ୟବାଣୀ ସତ ହେବାର ଦେଖା ଯାଇଥିବାରୁ ଏସବୁ ଭବିଷ୍ୟବାଣୀ ମଧ୍ୟ ସତ ହେବ ବୋଲି ଆଶଙ୍କା କରାଯାଉଛି ।
