ସବୁ କଳ୍ପନା ଜଳ୍ପନାର ଘଟିଲା ଅବସାନ । ଚର୍ଚ୍ଚାରେ ଆସିଲା ଚମକପ୍ରଦ ମୋଡ । ବଡ ନିଷ୍ପତି ନେଲା ବିଜେଡି । ଆଉ ସୁପ୍ରିମୋ ମାରିଲେ ମାଷ୍ଟରଷ୍ଟ୍ରୋକ । କଥା ହେଲା ଏଥର ନିର୍ବାଚନ ଲଢିବେନି ଭି.କେ ପାଣ୍ଡିଆନ । ଆଗାମୀ ନିର୍ବାଚନରେ ପ୍ରତିଦ୍ୱନ୍ଦିତା କରିବେ ନାହିଁ ୫ଟି ଅଧ୍ୟକ୍ଷ । ଯାହା ଏବେ ସମସ୍ତଙ୍କୁ ଚମକେଇ ଦେଇଛି । ବିଜେଡି କାର୍ଯ୍ୟକାରିଣୀ ଅବସରରେ ଏମିତି ଏକ ବଡ ସୂଚନା ଦେଇଛନ୍ତି ବରିଷ୍ଠ ବିଜେଡି ବିଧାୟକ ଦେବି ପ୍ରସାଦ ମିଶ୍ର । ଦେଖନ୍ତୁ କଣ କହୁଛନ୍ତି ବିଜେଡି ବିଧାୟକ ।
ଆସନ୍ତା ବର୍ଷ ହେବାକୁ ଥିବା ସାଧାରଣ ନିର୍ବାଚନରେ ଭିକେ ପାଣ୍ଡିଆନ ଲଢିବେ ନାହିଁ ବୋଲି ଏକ ପ୍ରକାର ସ୍ପଷ୍ଟ । ତେବେ ଯଦି ପାଣ୍ଡିଆନ ଇଛା କରନ୍ତି ତେବେ ସେ ଲଢିପାରିବେ, କୌଣସି ଅସୁବିଧା ନାହିଁ ବୋଲି କହିଛନ୍ତି ଦେବି ମିଶ୍ର । ଏଠାରେ କହିରଖିଛୁ ଯେ ଗତ ୨୭ ତାରିଖରେ ରାଜନୀତିରେ ସକ୍ରିୟ ଭାବେ ସାମିଲ ହେବା ପରେ ସବୁ ମହଲରେ ଜୋର ଧରିଥିଲା ଚର୍ଚ୍ଚା, କି ପାଣ୍ଡିଆନ ଲଢିବେ ନିର୍ବାଚନ । ଏପରିକି କେଉଁଠୁ ଲଢିବେ କି କଣ କରିବେ ସେ ନେଇ ବି କରାଯାଉଥିଲା ଆକଳନ । ହେଲେ ହଠାତ ଏଥିରେ ଏକପ୍ରକାର ନାସ୍ତି ସଂକେତ ମିଳିଛି । ମଇଦାନକୁ ଓହ୍ଲାଇବେ ନାହିଁ ବୋଲି ସ୍ପଷ୍ଟ ହୋଇଛି ।
