ଅଯୋଧ୍ୟା ନ୍ୟାୟ ଯାତ୍ରାର ମାର୍ଗରେ ନାହିଁ, ଚାଲିଛି ରାଜନୀତିକ କାର୍ଯ୍ୟକ୍ରମ: ରାହୁଲ ଗାନ୍ଧି
ରାମ ମନ୍ଦିରର ପ୍ରାଣ ପ୍ରତିଷ୍ଠା ଉତ୍ସବକୁ ଯିବେନି ରାହୁଲ ଗାନ୍ଧି। ସେଠାରେ ଚାଲିଛି ମୋଦିଙ୍କ ରାଜନୀତିକି କାର୍ଯ୍ୟକ୍ରମ। ତେଣୁ ନ୍ୟାୟ ଯାତ୍ରାର ମାର୍ଗ ଏବେ ଅଯୋଧ୍ୟା ଦିଗରେ ନାହିଁ। ଏମିତି କିଛି କହିଛନ୍ତି କଂଗ୍ରେସ ୱାୟନାଡା ସାଂସଦ ରାହୁଲ ଗାନ୍ଧି। ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧି କହିଛନ୍ତି ଯେ ୨୨ ଜାନୁଆରୀ ୨୦୨୪ ରେ ଉତ୍ତରପ୍ରଦେଶର ଅଯୋଧ୍ୟାରେ ଆୟୋଜିତ ହେବାକୁ ଥିବା ଏହି କାର୍ଯ୍ୟକ୍ରମକୁ ରାଷ୍ଟ୍ରୀୟ ସ୍ବୟଂ ସେବକ ସଂଗଠନ ବା ଆରଏସଏସ ଏବଂ ଭାରତୀୟ ଜନତା ପାର୍ଟି ସମ୍ପୂର୍ଣ୍ଣ ରୂପେ ଅବରୋଧ କରିବେ। ଏହା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଏକ ରାଜନୈତିକ କାର୍ଯ୍ୟକ୍ରମ। ମଙ୍ଗଳବାର ଉତ୍ତର ପୂର୍ବ ରାଜ୍ୟର ନାଗାଲାଣ୍ଡର କୋହିମାଠାରେ ଏକ ସାମ୍ବାଦିକ ସମ୍ମିଳନୀରେ ରାହୁଲ କଣ କହିଛନ୍ତି ପ୍ରଥମେ ନଜର ପକାନ୍ତୁ….
ରାହୁଲ କହିଛନ୍ତି ଯେ, ରାମ ମନ୍ଦିରର ଉଦଘାଟନ କାର୍ଯ୍ୟକ୍ରମ ସମେତ ହିନ୍ଦୁ ଧର୍ମର ପ୍ରମୁଖ ବ୍ୟକ୍ତିବିଶେଷ ମଧ୍ୟ ପ୍ରଶ୍ନ ଉଠାଇଛନ୍ତି। ଏହି କାର୍ଯ୍ୟକ୍ରମ ନିର୍ବାଚନ ସମ୍ବନ୍ଧୀୟ। ଏଭଳି ପରିସ୍ଥିତିରେ କଂଗ୍ରେସ ସଭାପତି ନ ଯିବାକୁ ନିଷ୍ପତ୍ତି ନେଇଛନ୍ତି। ଆମେ ସମସ୍ତ ଧର୍ମକୁ ସମ୍ମାନ କରୁ। ତଥାପି, ଆମ ଦଳ ଏବଂ ସହଯୋଗୀ ଦଳ ଯେଉଁମାନେ ଯିବାକୁ ଇଚ୍ଛା କରନ୍ତି ସେମାନେ ସେଠାକୁ ଯାଇପାରିବେ। ଏଠାରେ କହିରଖୁଛୁ ଯେ ସ୍ପଷ୍ଟ ସଂକେତ ଦେଇଛନ୍ତି ଯେ ସେ କଂଗ୍ରେସର ଭାରତ ଯୋଡା ନ୍ୟାୟ ଯାତ୍ରା ସମୟରେ ଅଯୋଧ୍ୟା ଯିବେ ନାହିଁ।
