ଭୁବନେଶ୍ୱର: ହଙ୍ଗାମା ଭିତରେ ଚାଲିପାରିଲାନି ଗୃହ । ଧୋଇଗଲା ପ୍ରଶ୍ନକାଳ । ବିରୋଧୀଙ୍କ ହଟ୍ଟଗୋଳ ମଧ୍ୟରେ ମୁଲତବୀ ହେଲା ଗୃହ । ଗୃହ ଆରମ୍ଭରୁ ଉଠିଲା ପୋଲାଭରମ ପ୍ରସଙ୍ଗ । କଂଗ୍ରେସ ପକ୍ଷରୁ ଦିଆଯାଇଥିବା ପୋଲାଭରମ ପ୍ରସଙ୍ଗରେ ମୁଲତବୀ ଅଗ୍ରାହ୍ୟ ହେବାରୁ କଂଗ୍ରେସ ବିଧାୟକ ହଟ୍ଟଗୋଳ କରିଥିଲେ ।
ଗୃହ ମଧ୍ୟଭାଗକୁ ଆସି ହଟ୍ଟଗୋଳ କରିବା ସହ ବାଚସ୍ପତିଙ୍କ ପୋଡିଅମ ତଳେ କଂଗ୍ରେସ ବିଧାୟକ ନାରାବାଜି କରିଥିଲେ । ଗୃହକୁ ସ୍ଵାଭାବିକ କରିବାକୁ ନିଜ ଆସନରୁ ଠିଆ ହୋଇ କହିଥିଲେ ବିରୋଧୀ ଦଳ ମୂଖ୍ୟ ସଚେତକ ପ୍ରମିଳା ମଲ୍ଲିକ । ହେଲେ କଂଗ୍ରେସ୍ ସଦସ୍ୟ ପ୍ରତିବାଦ କରିଥିବାରୁ ସାଢେ଼ ୧୧ ଟା ଯାଏ ଗୃହ ମୁଲତବୀ ଘୋଷଣା କରିଛନ୍ତି ବାଚସ୍ପତି।
