ନୂଆଦିଲ୍ଲୀ: ବଢିଲା କେନ୍ଦ୍ରୀୟ କର୍ମଚାରୀଙ୍କ ଭତ୍ତା । ବଡ଼ ଘୋଷଣା କଲେ କେନ୍ଦ୍ର ସରକାର । ଜୁଲାଇରେ କେନ୍ଦ୍ରୀୟ କର୍ମଚାରୀଙ୍କ ମହଙ୍ଗା ଭତ୍ତା (ଡିଏ) କୁ ୩% ବୃଦ୍ଧି କରିଥିଲେ। ଯାହା ୫୩ ପ୍ରତିଶତକୁ ବୃଦ୍ଧି ପାଇଛି। ନର୍ସିଂ ଭତ୍ତା ଏବଂ ପୋଷାକ ଭତ୍ତାରେ କରାଯାଇଛି ବୃଦ୍ଧି । ବର୍ତ୍ତମାନ ସରକାର ଆଉ ଦୁଇଟି ଭତ୍ତା ବୃଦ୍ଧି କରିଛନ୍ତି। ବର୍ତ୍ତମାନ ଏହାର ପ୍ରଭାବ ସିଧାସଳଖ କର୍ମଚାରୀଙ୍କ ଦରମା ଉପରେ ପଡିବ। ଏହାର ଅର୍ଥ ହେଉଛି ବର୍ତ୍ତମାନ ତାଙ୍କର ଦରମା ବୃଦ୍ଧି ପାଇବ। ଯେତେବେଳେ ମହଙ୍ଗା ଭତ୍ତା ୫୦% ଥିଲା, ସେତେବେଳେ ୭ମ ବେତନ ଆୟୋଗ ଅନେକ ଭତ୍ତା ବୃଦ୍ଧି କରିବାକୁ ପରାମର୍ଶ ଦେଇଥିଲେ।
