କେଉଁଝର: ଘଟଗାଁ ପୀଠରେ ନିଆଁ । ଅଘଟଣରେ ଜଳିଗଲା ଦୋକାନ । ନିଆଁର ଆଁରେ ଜଳିଗଲା ୧୦ରୁ ଅଧିକ ଭୋଗ ଦୋକାନ । ମଙ୍ଗଳବାର ବିଳମ୍ବିତ ରାତିରେ ପ୍ରାୟ ୧.୩୦ ସମୟରେ ଏଭଳି ଅଘଟଣ ଘଟିଛି । ମନ୍ଦିରର ୨ନମ୍ବର ଗେଟ ନିକଟରେ ଏହି ଅଘଟଣ ଘଟିଥିବା ବେଳେ ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି। ଖବର ପାଇ ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି। ଲକ୍ଷାଧିକ ଟଙ୍କାର ସାମଗ୍ରୀ ପୋଡ଼ି ନଷ୍ଟ ହୋଇଯାଇଛି । ପୂର୍ବରୁ ମଧ୍ୟ ମନ୍ଦିର ୩ ନମ୍ବର ଗେଟ ସମ୍ମୁଖରେ ଥିବା ଭୋଗ ଦୋକାନ ଗୁଡିକରେ ମଧ୍ୟ ଅଗ୍ନିକାଣ୍ଡ ଘଟି ବହୁ ଭୋଗ ଦୋକାନ ଜଳିଯାଇଥିଲା।
