ଭୁବନେଶ୍ୱର: ରାଜଧାନୀ ପରିବା ହାଟରେ ଅଗ୍ନିକାଣ୍ଡ । ଭୁବନେଶ୍ୱର ୟୁନିଟ ୧ ହାଟରେ ନିଆଁ ଲାଗିଛି । ଭୟାବହ ଅଗ୍ନିକାଣ୍ଡରେ ୪ଟି ଗୋଦାମ ଜଳିଯାଇଥିବା ସୂଚନା ରହିଛି । ଗୋଦାମରେ ଥିବା ଲକ୍ଷାଧିକ ଟଙ୍କାର ପନିପରିବା , କମ୍ପ୍ୟୁଟର , ଟଙ୍କା, ଆସବାପତ୍ର ଜଳି ପୋଡ଼ି ପାଉଁଶ ହୋଇଯାଇଛି । ଖବର ଅନୁଯାୟୀ, ଶନିବାର ବିଳମ୍ବିତ ରାତି ସାଢେ ୧୧ଟାରୁ ୧୨ଟାରେ ଏକ ନମ୍ବର ହାଟ ପଛରେ ଥିବା ପନିପରିବା ଗୋଦାମରେ ନିଆଁ ଲାଗିଥିଲା। ଗୋଦାମର ଉପରେ ଲାଗିଥିବା ପ୍ଲାଷ୍ଟିକ ଜରି ବାଉଁଶରେ ନିଆଁ ଲାଗିଯାଇଥିଲା । ଏହାପରେ ରୋଷେଇ ଘରର ଗ୍ୟାସ ସିଲିଣ୍ଡରରେ ଲାଗିଯାଇଥିଲା । ଯାହାଫଳରେ ସିଲିଣ୍ଡର ଫାଟି ନିଆଁ ଗୋଟିଏ ଗୋଦାମରୁ ଆଉଏକ ଗୋଦାମକୁ ଲାଗିଯାଇଥିଲା । ହଠାତ ଚାହୁଁ ଚାହୁଁ ଚାରିଟି ଗୋଦାମରେ ନିଆଁ ଲାଗିଯାଇଥିଲା । ଅଗ୍ନିଶମ ବାହିନୀ ନିଆଁକୁ ଆୟତ କରିଛନ୍ତି ।
