ସତ୍ୟବାଦୀ: ଚାଷୀଙ୍କୁ ଭେଟିବାକୁ ଯାଇଥିଲେ । ଅବ୍ୟବସ୍ଥା ପାଇଁ ହଟହଟା ହେଲେ । ସତ୍ୟବାଦୀରେ ବିରୋଧୀ ଦଳର ନେତା ନବୀନ ପଟ୍ଟନାୟକଙ୍କ ଗସ୍ତ ବେଳେ ଅବ୍ୟସ୍ଥା ଦେଖିବାକୁ ମିଳିଛି । ବାରିକେଡ୍ ଭାଙ୍ଗି ପଶିଆସିଲେ ଲୋକେ । ନବୀନଙ୍କ ହେଲିକପ୍ଟର ଉଡାଣରେ ବିଳମ୍ୱ ଘଡିଥିଲା । ଲୋକଙ୍କ ଭିଡକୁ ନିୟନ୍ତ୍ରଣ କରିବାରେ ପୋଲିସ ଓ ସ୍ଥାନୀୟ ପ୍ରଶାସନ ନାକେଦମ୍ ହୋଇଛନ୍ତି । ଅଦିନିଆ ବର୍ଷାରେ ଚାଷ କ୍ଷୟକ୍ଷତି ହୋଇଛି । ଚାଷୀଙ୍କ ସମସ୍ୟା ବୁଝିବା ପାଇଁ ଓ ସ୍ଥିତି ସମୀକ୍ଷା ପାଇଁ ବିଭିନ୍ନ ଜିଲ୍ଲା ବୁଲୁଛନ୍ତି ବିରୋଧୀ ଦଳ ନେତା ନବୀନ ପଟ୍ଟନାୟକ । ଆଜି ସତ୍ୟବାଦୀ ଗସ୍ତ ବେଳେ ଅବ୍ୟବସ୍ଥା ଦେଖିବାକୁ ମିଳିଛି । ଗତକାଲି ଗଞ୍ଜାମ ଜିଲ୍ଲା ଗସ୍ତ କରି ଚାଷୀଙ୍କ ଦୁଃଖ ପଚାରି ବୁଝିଥିଲେ । ନବୀନଙ୍କୁ ସମସ୍ୟା ଜଣାଇବା ପାଇଁ ହଜାର ହଜାର ଲୋକ ଧାଇଁ ଆସିଥିଲେ । ହାତରେ ଗଜା ହୋଇଯାଇଥିବା ଧାନ ଗଛକୁ ଧରି ନବୀନଙ୍କୁ ଦେଖାଇ କ୍ଷୟକ୍ଷତି ବାବଦରେ ଜଣାଇଥିଲେ ।
