ଭୁବନେଶ୍ୱର: ସରିଲା ବିଧାନସଭା । ସପ୍ତଦଶ ବିଧାନସଭାର ତୃତୀୟ ଅଧିବେସନ ସମାପ୍ତ ହୋଇଛି । ରାତି ତମାମ ଚାଲିଥିଲା ବଜେଟ ଅଧିବେସନର ତର୍କ ବିତର୍କ । ଅପରାହ୍ଣ ୪ଟାରୁ ଭୋର ୪ ଟା ୩୦ ପର୍ଯ୍ୟନ୍ତ ବିଧାନସଭାର ଆଲୋଚନାରେ ସାମିଲ ହୋଇଥିଲେ ସଦସ୍ୟଗଣ । ପାରିତ ହୋଇଥିଲା ବିଶ୍ୱବିଦ୍ୟାଳୟ ସଂଶୋଧନ ବିଲ୍ ।
୩ଟି କାର୍ୟ୍ୟ ଦିବସ ପୂର୍ବରୁ ଅନିର୍ଦ୍ଦିଷ୍ଟ କାଳ ପାଇଁ ବିଧାନସଭାକୁ ମୁଲତବୀ ଘୋଷଣା କରିଛନ୍ତି ବାଚସ୍ପତି । ୨୮ଟି କାର୍ୟ୍ୟ ଦିବସ ମଧ୍ୟରୁ ୨୫ଟି କାର୍ୟ୍ୟ ଦିବସ ଚାଲିଥିଲା । ଆଗକୁ ଗୁରୁତ୍ୱପୂର୍ଣ୍ଣ କାର୍ୟ୍ୟକ୍ରମ ନଥିବାରୁ ବିଧାନସଭାକୁ ଅନିର୍ଦ୍ଦିଷ୍ଟ କାଳ ପାଇଁ ମୁଲତବୀ ଘୋଷଣା କରିବା ଲାଗି ପ୍ରସ୍ତାବ ଆଣିଥିଲେ ସରକାରୀ ଦଳ ମୁଖ୍ୟ ସଚେତକ। ଯାହାକୁ ସମର୍ଥନ କରିଥିଲେ ଏକାଧିକ ବିଧାୟକ । ପରେ ବାଚସ୍ପତି ଗୃହକୁ ଅନିର୍ଦ୍ଦିଷ୍ଟ କାଳ ପାଇଁ ମୁଲତବୀ କରିଥିଲେ।
