ମହାରାଷ୍ଟ୍ର: ୱାକଫ୍ ବିଲକୁ ନେଇ ସବୁଠି ସରଗରମ ପରିବେଶ । ଦଳ ଭିତରେ ଫାଟ ସୃଷ୍ଟି କରୁଛି ୱାକଫ୍ ବିଲ୍ । ଦଳକୁ କରୁଛି ଦୁଇ ଫାଳ । ନେତାଙ୍କ ମତକୁ କରୁଛି ଭିନ୍ନ । ରାଜ୍ୟରେ ବିଜେଡି ସାଂସଦ ସସ୍ମି ପାତ୍ରଙ୍କ ସପକ୍ଷ ଭୋଟ ପରେ ଏବେ ଜାତୀୟ ରାଜନୀତିରେ ମଧ୍ୟ ଏପରି କିଛି ପରିସ୍ଥିତି ସୃଷ୍ଟି ହେବା ଦେଖିବାକୁ ମିଳିଛି । କିନ୍ତୁ ବର୍ତ୍ତମାନ ଏହି ମତାନ୍ତର ଦଳ ସହ ମେଂଟ ସହ ମଧ୍ୟ ଦେଖିବାକୁ ମିଳିଛି । ଏବେ ଇଣ୍ଡି ମେଣ୍ଟ ଓ୍ୱାକଫ୍ ବିଲ୍କୁ ନେଇ ଦୁଇଫାଳ ହେବାକୁ ବସିଛି । ମେଣ୍ଟର ଦଳଗୁଡ଼ିକ ମଧ୍ୟରେ କୌଣସି ସହମତି ନାହିଁ ଯେ ସେମାନେ ଏହାକୁ ବିରୋଧ କରିବେ କି ସମର୍ଥନ କରିବେ। ଗୋଟିଏ ପଟେ କଂଗ୍ରେସ-ଡିଏମକେ ସଂସଦ ଦ୍ୱାରା ଗୃହୀତ ଏହି ବିଲକୁ ଅସାମ୍ୱିଧାନିକ କହିବା ସହ ସୁପ୍ରିମକୋର୍ଟ ଯିବେ ବୋଲି କରିଛନ୍ତି ।
ଅନ୍ୟପଟେ ଇଣ୍ଡି ମେଂଟର ଅନ୍ୟ ଏକ ଗୁରୁତ୍ୱପୂର୍ଣ୍ଣ ଅଂଶ ତଥା ଉଦ୍ଧବ ଠାକରେଙ୍କ ଦଳ ଶିବସେନା-ୟୁବିଟି ବିଲ୍ ବିରୋଧରେ ସୁପ୍ରିମକୋର୍ଟ ଯିବେନି ବୋଲି ସ୍ପଷ୍ଟ କରିଛି । ପୂର୍ବରୁ ଉଦ୍ଧବ ସେନା ଲୋକସଭା ଏବଂ ରାଜ୍ୟସଭାରେ ଏହି ବିଲ୍ର ଦୃଢ଼ ବିରୋଧ କରିଥିଲେ । କିନ୍ତୁ ଏବେ ଏହି ଫାଇଲଟି ଏବେ ବନ୍ଦ ହୋଇଯାଇଛି । ତେଣୁ ଏଥିରେ ପଶିବାକୁ ସଫା ସଫା ମନା କରିଦେଇଛନ୍ତି ସାଂସଦ ସଂଜୟ ରାଉତ ।
