ବାଲେଶ୍ୱର ୧୨/ଜୁଲାଇ : ସୋର ବ୍ଲକ୍ ରେ ଶନିବାର ସକାଳେ ଲକ୍ଷ୍ମୀ ବସ୍ କଣ୍ଡକ୍ଟରମାନେ ନିଜ ଅଧିକାର ପାଇଁ ଧାରଣା ଦେଇଛନ୍ତି। ବସ୍ ସେବା ବନ୍ଦ ହେବାରୁ ସାଧାରଣ ଲୋକମାନେ ଅନେକ ଅସୁବିଧା ଜନ୍ମ ଦେଉଛନ୍ତି। ସୂଚନା ଅନୁସାରେ ସୋର ବ୍ଲକ୍ରେ ୪ଟି ଲକ୍ଷ୍ମୀ ବସ୍ ଚାଲିଥିବା ସତ୍ୱେ ପୂର୍ବରୁ ଥିବା ୧୧ ଜଣ କଣ୍ଡକ୍ଟର ମଧ୍ୟରୁ ୫ ଜଣ କଣ୍ଡକ୍ଟର ବିଭିନ୍ନ କାରଣରୁ ନିଯୁକ୍ତି ଚୁକ୍ତି ବିନା ବାହାର କରାଯାଇଛନ୍ତି। ଏହି ଅନ୍ୟାୟ ଆଚରଣ ବିରୋଧରେ ଅବଶିଷ୍ଟ କଣ୍ଡକ୍ଟରମାନେ ଧାରଣା ଦେଇ ନିଜ ଅଧିକାର ମାଗୁଛନ୍ତି। ଧାରଣାରତ କଣ୍ଡକ୍ଟରମାନେ କହିଛନ୍ତି ଯେ ସେମାନେ ଦୀର୍ଘଦିନ ଧରି କାମ କରୁଥିଲେ ମଧ୍ୟ ସେମାନଙ୍କୁ ନିଯୁକ୍ତି ପତ୍ର ଓ ଗାଇଡ୍ଲାଇନ ନମିଳିଥିବା ଯୋଗୁଁ ଉପରିସ୍ଥ ଅଧିକାରୀମାନେ ମାନମୁଖୀ ଭାବେ ବିନା କାରଣରେ ବାହାର କରୁଛନ୍ତି। ସେମାନଙ୍କର ଦାବି, ଯେପର୍ଯ୍ୟନ୍ତ ନିଯୁକ୍ତି ପତ୍ର ଓ ସ୍ପଷ୍ଟ ନିୟମ ମିଳିବନି, ସେପର୍ଯ୍ୟନ୍ତ ସେମାନେ ବସ୍କୁ ଚଢିବେ ନାହିଁ। ଏହି ଅବସ୍ଥା ସ୍ଥାନୀୟ ପ୍ରଶାସନ ଓ ପରିବହନ ବିଭାଗ ପାଇଁ ଚିନ୍ତାର ବିଷୟ ହୋଇପାରେ।
