ନୂଆଦିଲ୍ଲୀ ୧୫/ଜୁଲାଇ : ଭାରତର ଗର୍ବ ଶୁଭାଂଶୁ ଶୁକ୍ଳା ପୃଥିବୀକୁ ଫେରି ଆସିଛନ୍ତି। ଶୁଭାଂଶୁ ଏହି ଅଭିନବ ଯାତ୍ରା ଏବଂ ଅତ୍ୟାଧୁନିକ ଗବେଷଣାରେ ଅଂଶଗ୍ରହଣ କରି ଏକ ଐତିହାସିକ କାର୍ଯ୍ୟ କରିଛନ୍ତି। ସେ ଜୁନ୍ ୨୫, ୨୦୨୫ ରୁଷିଆ ଆକ୍ସିଅମ୍-୪ ମିଶନ ଅନ୍ତର୍ଗତ ଏକ ଫାଲକନ୍ ୯ ରକେଟ୍ ରେ ମହାକାଶ ଯାତ୍ରା କରିଥିଲେ। ସେ ଅନ୍ତର୍ଜାତୀୟ ମହାକାଶ ଷ୍ଟେସନରେ ୧୮ ଦିନ ବିତାଇଥିଲେ ଏବଂ ମହାକାଶରେ ମାଂସପେଶୀ କ୍ଷତି, ମାନସିକ ସ୍ୱାସ୍ଥ୍ୟ ଏବଂ କୃଷି ଉପରେ ଗଭୀର ଗବେଷଣା ସମେତ ୬୦ ରୁ ଅଧିକ ବୈଜ୍ଞାନିକ ପରୀକ୍ଷଣ କରିଥିଲେ। ଏହି ମିଶନ ବାର୍ତ୍ତା ଦେଇଥିଲା ଯେ ଭାରତୀୟ ଯୁବପିଢ଼ି ମଧ୍ୟ ମହାକାଶ ଅନୁସନ୍ଧାନରେ ଅଗ୍ରଣୀ ଭୂମିକା ଗ୍ରହଣ କରିପାରିବେ। ସ୍ପେସଏକ୍ସ ର ଡ୍ରାଗନ୍ ‘ଗ୍ରେସ୍’ ମହାକାଶଯାନ ସମୁଦ୍ରରେ ସଫଳ ଅବତରଣ ସହିତ ଏହାର ମିଶନ ଶେଷ କରିଛି। ଅବତରଣ ସାନ ଡିଏଗୋ ଉପକୂଳରେ ଅପରାହ୍ନ ୩.୦୧ (ଭାରତୀୟ ସମୟ) ରେ ହୋଇଥିଲା, ଯେଉଁଠାରେ ଡଙ୍ଗା ଏବଂ ହେଲିକପ୍ଟର ଦ୍ୱାରା ଦଳକୁ ସୁରକ୍ଷିତ ଭାବରେ ଉଦ୍ଧାର କରାଯାଇଥିଲା। ଶୁଭାଂଶୁଙ୍କ ମହାକାଶ ମିଶନ ଭାରତ ପାଇଁ ଗର୍ବର ବିଷୟ ଏବଂ ମହାକାଶ ବୈଜ୍ଞାନିକ ଅନୁସନ୍ଧାନରେ ଏକ ନୂତନ ଅଧ୍ୟାୟ ଯୋଡିଛି। ଏହି ମିଶନ ତିନୋଟି ଦେଶ – ଭାରତ, ପୋଲାଣ୍ଡ ଏବଂ ହଙ୍ଗେରୀ ପାଇଁ ଏକ ଐତିହାସିକ ମୁହୂର୍ତ୍ତ।
