ଭୁବନେଶ୍ୱର ୨୩/ଜୁଲାଇ : ଭୁବନେଶ୍ୱର ମୁନିସିପାଲ କର୍ପୋରେସନ (BMC) ର ସହକାରୀ କାର୍ଯ୍ୟନିର୍ବାହୀ ଯନ୍ତ୍ରୀ ଜଗନ୍ନାଥ ପଟ୍ଟନାୟକ ବିରୁଦ୍ଧରେ ଆୟ ବହିର୍ଭୂତ ସମ୍ପତ୍ତି ର ଠୁଳ ଅଭିଯୋଗ ଆସିଥିବା ପରେ, ଭିଜିଲାନ୍ସ ବିଭାଗ ଏକ ବଡ଼ ଚଢ଼ାଉ ଅଭିଯାନ ଆରମ୍ଭ କରିଛି। ଆଜି ସକାଳ ୫ଟାଠାରୁ ଆରମ୍ଭ ହୋଇଥିବା ଏହି ଅଭିଯାନରେ ଭିଜିଲାନ୍ସ ବିଭାଗର ୬ ଜଣ ଡିଏସ୍ପି, ୧୦ ଜଣ ଇନସ୍ପେକ୍ଟର ଓ ଅନେକ କର୍ମଚାରୀ ଏଥିରେ ଅଂଶଗ୍ରହଣ କରିଛନ୍ତି। ଅଭିଯାନ ଚାରିଟି ମୁଖ୍ୟ ସ୍ଥାନରେ ଚାଲିଛି ସେଗୁଡିକ ହେଉଛି, ବଡ଼ଗଡ଼ (ଭୁବନେଶ୍ୱର)ର ପ୍ଲଟ ନମ୍ବର ଆଇଆରପି-୧୨ ରେ ଅବସ୍ଥିତ ତିନି ମହଲା ବିଶିଷ୍ଟ ପୃଥକ ଘର । ରାଣାପୁର (ବାଲିଅନ୍ତା, ଖୋର୍ଦ୍ଧା)ରେ ଏକ ଫାର୍ମ ହାଉସ । ଗୁଣୁପୁର (ରାୟଗଡ଼ା) ରେ ପୈତୃକ ଘର । ବିଏମସି କାର୍ଯ୍ୟାଳୟର ତାଙ୍କ ଅଫିସ କକ୍ଷରେ ଛପା ମରା ଚାଲିଛି । ଭିଜିଲାନ୍ସ ଅଧିକାରୀଙ୍କ ମତାବକ, ଏହି ଚଢ଼ାଉର ଉଦ୍ଦେଶ୍ୟ ହେଉଛି ଅଭିଯୁକ୍ତଙ୍କ ଆୟ ଉପରେ ଆଧାର କରି ସମ୍ପତ୍ତିର ଅନୁପାତ ଯାଞ୍ଚ କରିବା। ତାଙ୍କ ତିନି ତଳା ଘର, ଫାର୍ମ ହାଉସ ଓ ପୈତୃକ ଘର ସହିତ ଅଫିସ କକ୍ଷରେ ମଧ୍ୟ ତଦନ୍ତ କରାଯାଉଛି। ଏପର୍ଯ୍ୟନ୍ତ ମିଳିଥିବା ତଥ୍ୟ ଅନୁଯାୟୀ, ଏହି ସମ୍ପତ୍ତି ତାଙ୍କ ବୈଧ ଆୟ ସ୍ରୋତ ସହିତ ମେଳ ଖାଉ ନାହିଁ ବୋଲି ସନ୍ଦେହ ଉଠିଛି। ଏହି ମାମଲା ସଂପୂର୍ଣ୍ଣ ଭାବରେ ତଦନ୍ତ ହେବା ପରେ ଅଧିକ ସୂଚନା ମିଳିବ ବୋଲି ଅପେକ୍ଷା କରାଯାଉଛି।
