ଭୁବନେଶ୍ୱର ,ଯଦି ଆଫଗାନିସ୍ତାନ ସହିତ ବୁଝାମଣା ନହୁଏ, ତେବେ “ଖୋଲା ଯୁଦ୍ଧ” ହୋଇପାରେ ବୋଲି କହିଛନ୍ତି ପାକିସ୍ତାନ ପ୍ରତିରକ୍ଷା ମନ୍ତ୍ରୀ ।ପ୍ରତିରକ୍ଷା ମନ୍ତ୍ରୀ ଖୱାଜା ଆସିଫ ଆଫଗାନିସ୍ତାନକୁ ଖୋଲାଖଲି ଧମକ ଦେଇଛନ୍ତି। ଖୱାଜା ଆସିଫ ଇସ୍ତାନବୁଲରେ ଥାଇ ଆଫଗାନିସ୍ତାନକୁ ଧମକ ଦେଇଛନ୍ତି ।
ଖୱାଜା ଆସିଫ୍ କହିଛନ୍ତି, “ଆଫଗାନିସ୍ତାନ ଶାନ୍ତି ଚାହୁଁଛି, କିନ୍ତୁ ଯଦି କୌଣସି ଚୁକ୍ତିନାମା ନହୁଏ, ତେବେ ଖୋଲା ଯୁଦ୍ଧ ହେବ।”
ଆଫଗାନିସ୍ତାନ ଏବଂ ପାକିସ୍ତାନ ମଧ୍ୟରେ ଦ୍ୱିତୀୟ ପର୍ଯ୍ୟାୟ ଆଲୋଚନା ତୁର୍କୀର ରାଜଧାନୀ ଇସ୍ତାନବୁଲରେ ଆରମ୍ଭ ହୋଇଛି।
ଏହି ଆଲୋଚନାର ଲକ୍ଷ୍ୟ ହେଉଛି ସୁରକ୍ଷା ଚିନ୍ତାର ସମାଧାନ କରିବା ଏବଂ ସେମାନଙ୍କର ସହଭାଗୀ ସୀମାରେ ସ୍ଥାୟୀ ଯୁଦ୍ଧବିରତି ସ୍ଥାପନ କରିବା।
ଦୁଇ ଦେଶ ସୀମାରେ ଗତ ଦୁଇ ସପ୍ତାହ ଧରି ଯୁଦ୍ଧ ପରିସ୍ଥିତି ଲାଗିରହିଛି । ଏହି ଯୁଦ୍ଧରେ ଅନେକ ସାଧାରଣ ନାଗରିକ ମଧ୍ୟ ପ୍ରାଣ ହରାଇଛନ୍ତି । କାବୁଲରେ ପାକିସ୍ତାନର ଏୟାରଷ୍ଟ୍ରାଇକ ପରେ ଏହି ସଂଘର୍ଷ ଆରମ୍ଭ ହୋଇଥିଲା ।
