ଭୁବନେଶ୍ୱର ,ଡିସେମ୍ବର ଦ୍ୱିତୀୟ ସପ୍ତାହରେ ଉତ୍ତର ଭାରତର ପ୍ରାୟ ସମସ୍ତ ରାଜ୍ୟରେ, ପ୍ରବଳ ଥଣ୍ଡା ପଡ଼ିବା ଆରମ୍ଭ କରିଛି।ବିହାରରେ ଥଣ୍ଡା ଧୀରେ ଧୀରେ ବୃଦ୍ଧି ପାଉଛି। ସକାଳ ଏବଂ ସନ୍ଧ୍ୟାର ତାପମାତ୍ରା ହ୍ରାସ ପାଉଛି । ପାଟନା ସମେତ ବିହାରର ଅଧିକାଂଶ ସ୍ଥାନରେ ସର୍ବନିମ୍ନ ତାପମାତ୍ରା ୯ ରୁ ୧୪ ଡିଗ୍ରୀ ପର୍ଯ୍ୟନ୍ତ ପହଞ୍ଚିଛି, ଯେତେବେଳେ ହାରାହାରି ସର୍ବାଧିକ ତାପମାତ୍ରା ୨୪ ରୁ ୨୮ ଡିଗ୍ରୀ ରହିଛି। ବିହାରରେ ମଧ୍ୟ ତାପମାତ୍ରାରେ ତୀବ୍ର ହ୍ରାସ ଯୋଗୁଁ ସକାଳ ବିଶେଷ ଥଣ୍ଡା ଅନୁଭୂତ ହେଉଛି। ପାଟନା ପ୍ରଶାସନ ୮ମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀମାନଙ୍କୁ, ସୁବିଧା ଯୋଗାଇବା ପାଇଁ, ଶ୍ରେଣୀ ସମୟ ପରିବର୍ତ୍ତନ କରିବାକୁ ନିଷ୍ପତ୍ତି ନେଇଛି।
ପାଟନାର ସମସ୍ତ ବେସରକାରୀ ଏବଂ ସରକାରୀ ସ୍କୁଲରେ ୮ମ ଶ୍ରେଣୀ ପର୍ଯ୍ୟନ୍ତ ପଢ଼ୁଥିବା ପିଲାମାନଙ୍କ ପାଇଁ ପ୍ରି-ସ୍କୁଲ ଏବଂ ଅଙ୍ଗନୱାଡି କେନ୍ଦ୍ର ସମେତ ସମୟ ସକାଳ ୮:୩୦ ଟାକୁ ପରିବର୍ତ୍ତନ କରାଯାଇଛି। ବର୍ତ୍ତମାନ ଅପରାହ୍ଣ ୪:୦୦ ଟା ପର୍ଯ୍ୟନ୍ତ ପାଠପଢ଼ା ଚାଲିବ। ନୂତନ ସମୟ ଗୁରୁବାର ଡିସେମ୍ବର ୧୧ ତାରିଖ ଅର୍ଥାତ ଆଜିଠୁ ଲାଗୁ ହୋଇଛି ଏବଂ ଏହା ଆସନ୍ତା ଗୁରୁବାର ଡିସେମ୍ବର ୧୮ ତାରିଖ ପର୍ଯ୍ୟନ୍ତ ଜାରି ରହିବ। ପ୍ରବଳ ଥଣ୍ଡାକୁ ଦୃଷ୍ଟିରେ ରଖି ସ୍କୁଲର ସମୟ ବଦଲାଇଛନ୍ତି ସରକାର ।
