ଭୁବନେଶ୍ୱର ,ଭାରତ ଏବଂ ଯୁକ୍ତରାଷ୍ଟ୍ରମଧ୍ୟରେ ବହୁ ପ୍ରତୀକ୍ଷିତ ICC U-19 ପୁରୁଷ ବିଶ୍ୱକପ୍, 2026 ମ୍ୟାଚ୍ ଆଜି, ଗୁରୁବାର, ଜାନୁଆରୀ 15, 2026 ରେ ଖେଳାଯିବ। ଏହି ମ୍ୟାଚ୍ ଜିମ୍ବାୱେର ବୁଲାୱାୟୋର କୁଇନ୍ସ ସ୍ପୋର୍ଟସ୍ କ୍ଲବରେ ଅନୁଷ୍ଠିତ ହେବ।ଆଜି ଭାରତ 19 ବର୍ଷରୁ କମ୍ ବିଶ୍ୱକପ୍ 2026 ରେ, ଆମେରିକା ବିପକ୍ଷରେ ତା’ର ଅଭିଯାନ ଆରମ୍ଭ କରିବ। ଯୁବ ତାରକାମାନଙ୍କରେ ପରିପୂର୍ଣ୍ଣ ଭାରତୀୟ ଦଳ ଟୁର୍ଣ୍ଣାମେଣ୍ଟରେ ଏକ ଦୃଢ଼ ଆରମ୍ଭ କରିବା ଏବଂ ସେମାନଙ୍କର ଷଷ୍ଠ ବିଶ୍ୱକପ୍ ଟାଇଟଲ୍ ଜିତିବା ଦିଗରେ, ଅଗ୍ରସର ହେବାକୁ ଲକ୍ଷ୍ୟ ରଖିବ। ଏହି ସିଜନରେ, ଭାରତର ୧୯ ବର୍ଷରୁ କମ୍ ଦଳ ସନ୍ତୁଳିତ ଏବଂ ଆତ୍ମବିଶ୍ୱାସୀ ଦେଖାଯାଉଛି। ଶେଷ ୧୬ ମ୍ୟାଚ୍ ରେ ୧୩ ଥର ବିଜୟ ହାସଲ କରିଛି ଟିମ ଇଣ୍ଡିଆ । ଏପରିକି ଦଳ ଟିମ ଇଂଲଣ୍ଡ, ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭଳି ଚ୍ୟାଲେଞ୍ଜିଂ ବିଦେଶୀ ପରିସ୍ଥିତିରେ ମଧ୍ୟ ସିରିଜ୍ ଜିତିଛି। ଦଳର ବ୍ୟାଟିଂ ଅଧିନାୟକ ଆୟୁଷ ମହାତ୍ରେ, ଉପ-ଅଧିନାୟକ ବିହାନ ମାଲହୋତ୍ରା, ବିସ୍ଫୋରକ ଓପନର ବୈଭବ ସୂର୍ଯ୍ୟବଂଶୀ ଏବଂ ନିର୍ଭରଯୋଗ୍ୟ ବ୍ୟାଟସମ୍ୟାନ୍ ଆରୋନ୍ ଜର୍ଜଙ୍କ ନେତୃତ୍ୱରେ ହେବ। ମାତ୍ର ୧୪ ବର୍ଷ ବୟସରେ, ସୂର୍ଯ୍ୟବଂଶୀ ତାଙ୍କର ଆକ୍ରମଣାତ୍ମକ ବ୍ୟାଟିଂ ପାଇଁ ପୂର୍ବରୁ ଶିରୋନାମାରେ ଅଛନ୍ତି ଏବଂ ତାଙ୍କୁ ଭବିଷ୍ୟତର ଜଣେ ସମ୍ଭାବ୍ୟ ତାରକା ଭାବରେ ବିବେଚନା କରାଯାଏ।ଭାରତ ଏବଂ USA U-19 ଦଳ ମଧ୍ୟରେ ମ୍ୟାଚ୍ ଆଜି ଦିନ 1:00 PM ରେ ଆରମ୍ଭ ହେବ। ମ୍ୟାଚ୍ ପାଇଁ ଟସ୍ ଅଧ ଘଣ୍ଟା ପୂର୍ବରୁ, ଦିନ ୧୨:୩୦ ରେ ହେବ।
