ଭୁବନେଶ୍ୱର ,ଏକ ସାକ୍ଷାତକାରରେ ବେସାଣ୍ଟ କହିଛନ୍ତି, “ସେନେଟର ଲିଣ୍ଡସେ ଗ୍ରାହାମ ସିନେଟ ସମ୍ମୁଖରେ ରୁଷୀୟ ତୈଳ କ୍ରେତାଙ୍କ ଉପରେ ୫୦୦% ଶୁଳ୍କ ଲାଗୁ କରିବାର ପ୍ରସ୍ତାବ ଦେଇଛନ୍ତି। ”ରୁଷୀୟ ତୈଳ କିଣୁଥିବା ଦେଶଗୁଡ଼ିକ ଉପରେ ୫୦୦ ପ୍ରତିଶତ ଶୁଳ୍କ ଲାଗୁ କରିବା ପାଇଁ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ସେନେଟର ଅନୁମୋଦନର ଆବଶ୍ୟକତା ନାହିଁ। କିନ୍ତୁ, ସେ ସ୍ପଷ୍ଟ କରିଛନ୍ତି ଯେ ଏଥର ଶୁଳ୍କ ଧମକର ପ୍ରାଥମିକ ଲକ୍ଷ୍ୟ ଭାରତ ନୁହେଁ, ଚୀନ।ସ୍କଟ୍ ବେସେଣ୍ଟ ଦାବି କରିଛନ୍ତି ଯେ ଟ୍ରମ୍ପ ପ୍ରଶାସନ ଭାରତ ଉପରେ ୨୫ ପ୍ରତିଶତ ଶୁଳ୍କ ଲାଗୁ କରିବା ପରେ ଭାରତ ରୁଷୀୟ ତେଲ କିଣିବା ବନ୍ଦ କରିଦେଇଛି। ଏହି ବିଲ୍ ଚଳିତ ମାସ ଆରମ୍ଭରେ ରାଷ୍ଟ୍ରପତି ଟ୍ରମ୍ପଙ୍କ ଅନୁମୋଦନ ପାଇଛି।ହ୍ୱାଇଟ୍ ହାଉସର ଏହି ବରିଷ୍ଠ ଅଧିକାରୀ ୟୁରୋପକୁ ମଧ୍ୟ ସମାଲୋଚନା କରିଥିଲେ। ସେ କହିଥିଲେ ଯେ ଚାରି ବର୍ଷ ପରେ ମଧ୍ୟ ୟୁରୋପ ଏବେ ବି ରୁଷ ତେଲ କିଣୁଛି, ଯାହାଦ୍ୱାରା ନିଜ ବିରୁଦ୍ଧରେ ଏକ ଯୁଦ୍ଧକୁ ପାଣ୍ଠି ଯୋଗାଇ ଦିଆଯାଉଛି।ବେସେଣ୍ଟ ଆହୁରି ଦାବି କରିଥିଲେ ଯେ ୟୁକ୍ରେନ ଯୁଦ୍ଧ ଆରମ୍ଭ ହେବା ପରେ ଭାରତ ରୁଷ ତେଲ କିଣିବା ଆରମ୍ଭ କରିଥିଲା, କିନ୍ତୁ ରାଷ୍ଟ୍ରପତି ଟ୍ରମ୍ପ ୨୫% ଶୁଳ୍କ ଲାଗୁ କରିବା ପରେ, ଭାରତ ଏହାର କ୍ରୟ ହ୍ରାସ କରିଛି ଏବଂ ଏବେ ଏହାକୁ ସମ୍ପୂର୍ଣ୍ଣ ବନ୍ଦ କରିଦେଇଛି।ସ୍କଟ୍ ବେସେଣ୍ଟ ଚୀନକୁ ରୁଷର ସବୁଠାରୁ ବଡ଼ ତୈଳ କ୍ରେତା ଭାବରେ ବର୍ଣ୍ଣନା କରି କହିଛନ୍ତି ଯେ ଆମେରିକା ଦୀର୍ଘ ଦିନ ଧରି ଚୀନ ଉପରେ ୫୦୦% ପର୍ଯ୍ୟନ୍ତ ଶୁଳ୍କ ଲଗାଇବାକୁ ଯୋଜନା କରୁଛି କାରଣ ସେ ରୁଷରୁ ଶସ୍ତା ତେଲ କିଣି ଯୁଦ୍ଧକୁ ପାଣ୍ଠି ଯୋଗାଇ ଆସୁଛି।
