ଭୁବନେଶ୍ୱର, ୧୯/୦୨/୨୦୨୬: ବିବାହ ଋତୁ ପୂର୍ବରୁ ସୁନା ଓ ରୁପା କିଣିବାକୁ ଚାହୁଁଥିବା ଗ୍ରାହକଙ୍କ ପାଇଁ ଆସିଛି ଏକ ବଡ଼ ଆଶ୍ୱସ୍ତିକର ଖବର। ଦୀର୍ଘ ଦିନର ବୃଦ୍ଧି ପରେ ଏବେ ବଜାରରେ ସୁନା ଓ ରୁପା ଦରରେ ହ୍ରାସ ପରିଲକ୍ଷିତ ହୋଇଛି। ବିଶେଷ କରି ରାଜଧାନୀ ଭୁବନେଶ୍ୱରରେ ଆଜି ସୁନା ମୂଲ୍ୟରେ ଉଲ୍ଲେଖନୀୟ ପରିବର୍ତ୍ତନ ଦେଖିବାକୁ ମିଳିଛି।
ଆଜିର ବଜାର ତଥ୍ୟ ଅନୁଯାୟୀ, ଭୁବନେଶ୍ୱରରେ ୨୪ କ୍ୟାରେଟ୍ ସୁନା ଗ୍ରାମ ପିଛା ₹୧୫,୬୪୯ ରହିଥିବା ବେଳେ, ଗହଣା ତିଆରି ପାଇଁ ବ୍ୟବହୃତ ୨୨ କ୍ୟାରେଟ୍ ସୁନା ଗ୍ରାମ ପିଛା ₹୧୪,୩୪୫ ରେ ପହଞ୍ଚିଛି। ସେହିପରି ୧୮ କ୍ୟାରେଟ୍ ସୁନାର ମୂଲ୍ୟ ଗ୍ରାମ ପିଛା ₹୧୧,୭୩୭ କୁ ଖସି ଆସିଛି।
ଅନ୍ୟପଟେ ରୁପା ଦରରେ ମଧ୍ୟ ବଡ଼ ଧରଣର ହ୍ରାସ ଘଟିଛି। ଆଜି ରୁପା ମୂଲ୍ୟ ଗ୍ରାମ ପିଛା ₹୨୭୦ ଏବଂ କିଲୋଗ୍ରାମ ପିଛା ₹୨,୭୦,୦୦୦ କମିଛି। ସୁନା ଓ ରୁପା ଦରରେ ଏହି ହ୍ରାସ ଗ୍ରାହକଙ୍କୁ ବଡ଼ ଧରଣର ଆଶ୍ୱସ୍ତି ଦେଇଛି। ବିବାହ ଏବଂ ଅନ୍ୟାନ୍ୟ ମାଙ୍ଗଳିକ କାର୍ଯ୍ୟ ପାଇଁ ଗହଣା କିଣିବାକୁ ଯୋଜନା କରୁଥିବା ଲୋକଙ୍କ ପାଇଁ ଏହା ଏକ ସୁବର୍ଣ୍ଣ ସୁଯୋଗ।
