ମାଲକାନଗିରି () ଛତିଶଗଡ଼ରେ ପୋଲିସ ଗୁଳିରେ ୫ ମାଓବାଦୀ ମୃତ। ଦୁଇଟି ଭିନ୍ନ ଭିନ୍ନ ଘଟଣାରେ ୫ କ୍ୟାଡର୍ ମାଓବାଦୀଙ୍କ ମୃତ୍ୟୁ ହୋଇଥିବା ଜଣା ପଡିଛି। ତେଲେଙ୍ଗାନା ସୀମାବର୍ତ୍ତୀ ବିଜାପୁର ଜିଲ୍ଲା ଇଲମିଡି ଓ ଉସୁର ଜଂଗଲରେ ମାଓବାଦୀଙ୍କ ଶିବିର ଚାଲିଥିବା ନେଇ ତେଲେଙ୍ଗାନା ଗ୍ରେହାଉଣ୍ଡ ଓ ଛତିଶଗଡ଼ ଡିଆରଜି ଯବାନଙ୍କ ପଷରୁ ଏକ ଅପରେସନ ଲଞ୍ଚ କରା ଯାଇଥିଲା।
ତେବେ ଆଜି ସକାଳୁ ଘଞ୍ଚ ଜଂଗଲରେ ଯବାନ ମାଓବାଦୀ ମୁହାଁମୁହିଁ ହୋଇ ଥିବା ବେଳେ ଗ୍ରେହାଉଣ୍ଡ ଯବାନଙ୍କ ଗୁଳିରେ ୪ ମାଓବାଦୀ ଟଳି ପଡିଛି। ମୃତଙ୍କ ମଧ୍ୟ ଡିଭିସି ମେମ୍ବର ସୁଧାକର ଥିବା ଜଣାପଡିଛି। ଘଟଣାସ୍ଥଳରୁ ଏଲଏମଜି ଓ ଏସଏଲଆର ବନ୍ଧୁକ ସହ ବହୁ ମାରଣାସ୍ତ୍ର ଜବତ ହୋଇଛି। ସେହିପରି ସୁକିମା ଜିଲ୍ଲା ତୋଙ୍ଗପାଲ ଥାନା ଅନ୍ତର୍ଗତ ମୁରଜୁମ ଜଂଗଲରେ ଡିଆରଜି ଯବାନଙ୍କ ଗୁଳିରେ ଜଣେ ମହିଳା ମାଓବାଦୀଙ୍କ ମୃତ୍ୟୁ ହୋଇଥିବା ସୂଚନା ଦେଇଛନ୍ତି ସୁକିମା ଏସପି ସୁନିଲ ଶର୍ମା।
