ନୂଆଦିଲ୍ଲୀ, ୨୩/୧୨/୨୦୨୨- କରୋନା ନୂଆ ଭାରିଆଣ୍ଟ ସଂକ୍ରମଣ ପୁଣି ତାର କାୟା ମେଲାଇବା ଆରମ୍ଭ କରିଛି । ଏହାରି ଭିତରେ ଟିକାକରଣ ଅଭିଯାନକୁ ଆଗେଇ ନେବା ପାଇଁ ଭାରତରେ ନାଜାଲ ଭ୍ୟାକ୍ସିନ ବ୍ୟବହାରକୁ ସରକାର ଅନୁମତି ପ୍ରଦାନ କରିଛନ୍ତି । ବିଶେଷଜ୍ଞ କମିଟି ଏହାକୁ ମଞ୍ଜୁରୀ ପ୍ରଦାନ କରିଛନ୍ତି ।
ଭାରତ ବାୟୋଟେକର ଏହି ନାଜାଲ ଭାକ୍ସିନ୍ ପ୍ରଥମେ ଘରୋଇ ଡାକ୍ତରଖାନାରେ ଉପଲବ୍ଧ ହେବ । ଏହାକୁ ମଧ୍ୟ କୋ ୱିନ ଆପରେ ସ୍ଥାନୀତ କରାଯିବ ବୋଲି କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡକ୍ଟର ମନସୁଖ ମାଣ୍ଡଭ୍ୟ କହିଛନ୍ତି । ଇଞ୍ଜେକ୍ସନ୍ରେ ଦିଆଯାଉଥିବା ଭ୍ୟାକ୍ସିନ୍ ତୁଳନାରେ ନାଜାଲ ଟିକା ଭଲ ବୋଲି କୁହାଯାଉଛି । ଏହି ନାଜାଲ ଭାକ୍ସିନ୍ ନଷ୍ଟ ହେବାର ସମ୍ଭାବନା ମଧ୍ୟ କମ୍ ବୋଲି ବିଶେଷଜ୍ଞ କମିଟି କହିଛି ।
