ନା ଭାଙ୍ଗିବାର ଅସୁବିଧା ନା ଗରମ ହେବାର ଟେନ୍ସନ୍ । ୨ ମିନିଟ୍ରେ ପ୍ରସ୍ତୁତ ହେବ ସୁପର୍ ଚିଲ୍ଡ ବିୟର୍
ଆପଣ ବିୟର ପିଇବାକୁ ପସନ୍ଦ କରନ୍ତି କି ? ବିୟର ନେବା ଆଣିବାରେ ଆପଣକୁ ଅସୁବିଧା ହେଉଛି କି ? ଯଦି ହଁ ତେବେ ଆପଣଙ୍କ ପାଇଁ ଗୁଡ଼୍ ନ୍ୟୁଜ୍ । ଏବେ ମ୍ୟାଗି ପରି ଫଟାଫଟ୍ ୨ ମିନିଟ୍ରେ ପ୍ରସ୍ତୁତ ହୋଇଯିବ ବିୟର୍ । ଆଉ ରହିବନି ଗରମ ହେବାର ଟେନସନ୍ । କାରଣ ଜର୍ମାନ କମ୍ପାନୀ ଆପଣଙ୍କ ଏ ସମସ୍ତ ସମସ୍ୟାର ସମାଧାନ ପାଇଁ ନେଇ ଆସିଛି ବିୟର ପାଉଡ଼ର । କେବଳ ଥଣ୍ଡା ପାଣିରେ ମିକ୍ସ କରନ୍ତୁ ୨ ଚାମଚ ବିୟର ପାଉଡ଼ର ଆଉ ନିଅନ୍ତୁ ଚିଲ୍ଡା ବିୟରର ମଜା । ଏହା ପରିବେଶ ପାଇଁ ମଧ୍ୟ କ୍ଷତିକାରକ ନୁହେଁ । କାରଣ ଏହାର ପ୍ରସ୍ତୁତ ସମୟରେ ଅଧିକ କାର୍ବନ ନିର୍ଗତ ହୁଏ ନାହିଁ ।
ଆଉ ଏଭଳି ବିୟର ପାଉଡ଼ରର ଉଦ୍ଭାବକ ହେଉଛି ଜର୍ମାନୀ । ବିୟର ଆଜି ପର୍ୟ୍ୟନ୍ତ ପାଉଡର ଆକାରରେ ତିଆରି ହୋଇନାହିଁ । ଏହି ବିୟର ପାଉଡର ତିଆରି କରିଥିବା ନୋଏତ୍ସେଲେ ବ୍ରୁଅରି କହିଛନ୍ତି ଯେ ବିୟର ପାଉଡର ଏହି ବର୍ଷ ଶେଷ ସୁଦ୍ଧା ଅନ୍ୟ ଦେଶକୁ ରପ୍ତାନୀ କରାଯିବ । ବର୍ତ୍ତମାନ ପର୍ୟ୍ୟନ୍ତ ଏହା କେବଳ ଜର୍ମାନୀରେ ଉପଲବ୍ଧ । ଯଦି ଆପଣ ଭାରତରେ ରୁହନ୍ତି, ତେବେ ଆପଣଙ୍କୁ ଟିକିଏ ଅଧିକ ସମୟ ଅପେକ୍ଷା କରିବାକୁ ପଡ଼ିବ, କାରଣ ଭାରତରେ ପ୍ରବେଶ କରିବା ପାଇଁ ଏହା ଅନେକ ଆଇନଗତ ପ୍ରକ୍ରିୟା ଦେଇ ଗତି କରିବାକୁ ପଡ଼ିବ।
