ନୂଆ ଦିଲ୍ଲୀ: ଜଗତରନାଥ ଜଗନ୍ନାଥ । କେବଳ ପୁରୀ କିମ୍ବା ଓଡିଶା ନୁହେଁ, ସେ ସବୁଠି ବିଦ୍ୟମାନ । ସାରା ବିଶ୍ୱରେ ରହିଛନ୍ତି ମହାପ୍ରଭୁଙ୍କ ଭକ୍ତ । ସେହିପରି ଏହାର ଝଲକ ମଧ୍ୟ ଦେଖିବାକୁ ମିଳିଛି ଜାମ୍ମୁ-କାଶ୍ମୀରରେ ।
ସେଠାକାର ଉପରାଜ୍ୟପାଳ ମନୋଜ ସିହ୍ନାଙ୍କ ଘର କାନ୍ଥରେ ରହିଛି ବଡ ଠାକୁରଙ୍କ ଫଟୋ । ମହାପ୍ରଭୁ ଜଗନ୍ନାଥ, ବଳଭଦ୍ର ଓ ଶୁଭଦ୍ରାଙ୍କ ଏକ ସୁନ୍ଦର ଫ୍ରେମ ତାଙ୍କ ବାସଭବନରେ ସ୍ଥାନ ପାଇଛି । ତେଣୁ ଉପରାଜ୍ୟପାଳଙ୍କ ଘରେ ଜଗନ୍ନାଥ ପୂଜା ପାଉଥିବା କୁହାଯାଉଛି ।
ଜାତୀୟ ଗଣମାଧ୍ୟମକୁ ଏକ ସାକ୍ଷାତକାର ବେଳେ ଏମିତି ଦୃଶ୍ୟ ସାମ୍ନାକୁ ଆସିଛି । ଏଥିରୁ ପ୍ରମାଣିତ ହେଉଛି ଜଗନ୍ନାଥଙ୍କୁ ସମସ୍ତେ ହୃଦୟରୁ ଶ୍ରଦ୍ଧା ଓ ଭକ୍ତିରେ ପୂଜା କରୁଛନ୍ତି । ତେବେ କାଶ୍ମୀର ଭଳି ଜାଗାରେ ପୁଣି ଉପରାଜ୍ୟରପାଳଙ୍କ ଘର କାନ୍ଥରେ ତିନି ଠାକୁରଙ୍କ ଫଟୋ, ଓଡିଆଙ୍କୁ ବେଶ ଗର୍ବିତ କରିଛି ।
