ମୁମ୍ବାଇ: ଶିବସେନା (ୟୁବିଟି) ମୁଖ୍ୟ ଉଦ୍ଧବ ଠାକରେ ଅସୁସ୍ଥ ଅନୁଭବ କରିବା ପରେ ତାଙ୍କୁ ମୁମ୍ବାଇର ରିଲାଏନ୍ସ ହସ୍ପିଟାଲରେ ଭର୍ତ୍ତି କରାଯାଇଛି । ଉଦ୍ଧବ ଠାକରେଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ରହିଛି। ତାଙ୍କର ଚିକିତ୍ସା ଏଠାରେ ଚାଲିଛି । ବର୍ତ୍ତମାନ ତାଙ୍କର ଚେକ୍ ଅପ୍ ଚାଲିଛି । ସୋମବାର ସକାଳେ ହାର୍ଟରେ ବ୍ଳକେଜ ଚିହ୍ନଟ ହେବା ପରେ ତାଙ୍କର ସର୍ଜରୀ କରାଯାଇଛି ।
ଏହାପୂର୍ବରୁ ୨୦୧୨ ମସିହାରେ, ଉଦ୍ଧବ ଠାକରେ ଆଞ୍ଜିଓପ୍ଲାଷ୍ଟି କରିଥିଲେ । ଏହା ପରେ ଡାକ୍ତରମାନେ ହାର୍ଟରେ ଥିବା ବ୍ଲକେଜକୁ ପରୀକ୍ଷା କରିଥିଲେ । ୨୦ ଜୁଲାଇ ୨୦୧୨ ରେ ଆଞ୍ଜିଓପ୍ଲାଷ୍ଟୀ ପରେ ଉଦ୍ଧବ ଠାକରେଙ୍କୁ ଏହି ପଦ୍ଧତି ଅତିକ୍ରମ କରିବାକୁ ପଡିଲା । ଯେତେବେଳେ ତାଙ୍କ ହୃଦୟର ତିନୋଟି ମୁଖ୍ୟ ଧମନୀରେ ଏକାଧିକ ବ୍ଲକେଜ୍ ହଟାଇବା ପାଇଁ ଡାକ୍ତରମାନେ ୮ଟି ଷ୍ଟେଣ୍ଟ୍ ଭର୍ତ୍ତି କରିଥିଲେ ।
ସେହିଭଳି ନିକଟରେ ଦଶହରା ଅବସରରେ ଉଦ୍ଧବ ଠାକରେ ଏକ ରାଲିକୁ ସଂଵୋଧିତ କରିଥିଲେ, ଏବଂ ମୁଖ୍ୟମନ୍ତ୍ରୀ ଏକନାଥ ସିନ୍ଧେଙ୍କୁ ଇସାରା ଇସାରାରେ ଟାର୍ଗେଟ କରିଥିଲେ। ଏଥିସହିତ ସେ ଘୋଷଣା କରିଥିଲେ କି ଯଦି ସେ ଆଗାମୀ ନିର୍ବାଚନରେ ବିଜୟୀ ହୁଅନ୍ତି ପ୍ରତି ଜିଲ୍ଲାରେ ଶିବ ମନ୍ଦିର ନିର୍ମାଣ କରିବେ । ସେହିପରି ସିନ୍ଧୁର୍ଗରେ ଛତ୍ରପତି ଶିବାଜୀ ମହାରାଜଙ୍କ ପ୍ରତିମୂର୍ତ୍ତି ଭୁଶୁଡ଼ିବା ଘଟଣାରେ ହୋଇଥିବା ଦୁର୍ନୀତିକୁ ସେ ଦୃଢ ସମାଲୋଚନା କରି କହିଛନ୍ତି ଯେ ପ୍ରଧାନମନ୍ତ୍ରୀ ମୋଦି ବୁଝିବା ଉଚିତ ଯେ ଛତ୍ରପତି ଶିବାଜୀ ମହାରାଜ ଭୋଟ୍ ପାଇବା ପାଇଁ ଇଭିଏମ୍ ନୁହଁନ୍ତି ।
