ଭୁବନେଶ୍ୱର: ପ୍ରତିଷ୍ଠା ଦିବସରେ ନବୀନଙ୍କ ବାର୍ତ୍ତା । ବିଜୁପ୍ରେମୀମାନଙ୍କୁ ସମ୍ବୋଧନ କରି ଦଳର ଆରମ୍ଭ କଥା ମନେ ପକାଇଲେ ନବୀନ ପଟ୍ଟନାୟକ । ଦଳକୁ ଓଡ଼ିଶାବାସୀଙ୍କ ଭଲପାଇବା କଥା ମଧ୍ୟ ମନେ ପକାଇଲେ ବିଜେଡି ସୁପ୍ରିମୋ । ଖାଦ୍ୟ ଯୋଗଣା, ପ୍ରାକୃତିକ ବିପର୍ଯ୍ୟୟର ମୁକାବିଲା, ମୁଣ୍ଡପିଛା ଆୟ, ଖେଳ, ଦାରିଦ୍ର୍ୟ ଦୂରୀକରଣ ପରି ଅନେକ ବିଷୟ ଉପରେ ଆଲୋକପାତ କରିଛନ୍ତି । ସବୁଠାରୁ ବଡ଼ କଥା ହେଉଛି ଯେ, ଏହି ଚଳିତ ନିର୍ବାଚନରେ ବିଜେଡି କିପରି ହାରିଲା ତାହାର କାରଣ ସେ ଦର୍ଶାଇଛନ୍ତି । ବିଜେପିର ମିଥ୍ୟା ପ୍ରତିଶ୍ରୁତି କଥା ମଧ୍ୟ ଉଠାଇଛନ୍ତି ନବୀନ । ତାଙ୍କ କହିବା ମୁତାବକ ବିଜେପି ଲୋକଙ୍କୁ ମିଛ କଥା କହି ଭୁଆଁ ବୁଲେଇ କ୍ଷମତାକୁ ଆସିଛି । ଏତେ କଥା କହି ମଧ୍ୟ ବିଜେପି ଆମ ଠାରୁ କମ୍ ଭୋଟ ପାଇଛି । ଏହା ବ୍ୟତୀତ ବିଜେଡିର ଭୁଲକୁ ମଧ୍ୟ ଆଲୋକପାତ କରିଛନ୍ତି ଦଳର ସୁପ୍ରିମୋ । ସେ କହିଛନ୍ତି ବିଜେଡିର ଭୁଲ ହେଲା ଯେ ଦଳ ବିଜେପିର ମିଥ୍ୟା ପ୍ରତିଶ୍ରୁତିକୁ ସଠିକ ଭାବେ କାଉଣ୍ଟର କରିପାରିନି ।
ଅଧିକ ଖବର ପାଇଁ ଏହି ଲିଙ୍କରେ କ୍ଲିକ କରନ୍ତୁ ।
