ମୁମ୍ବାଇ ୨୩/ଜୁନ୍ : ବଲିଉଡର ଦବଙ୍ଗ ଭାଇଜାନ ସଲମାନ ଖାନ ବର୍ତ୍ତମାନ ଚର୍ଚ୍ଚାରେ। ନିକଟରେ, ଅଭିନେତା ‘ଦି ଗ୍ରେଟ୍ ଇଣ୍ଡିଆନ୍ କପିଲ ଶୋ’ର ନୂତନ ସିଜିନରେ ଅତିଥି ଭାବରେ ପହଞ୍ଚିଥିଲେ, ଯେଉଁଠାରେ ସେ ଅନେକ ଖୁଲାସା କରିଥିଲେ, ଯାହା ସୋସିଆଲ ମିଡିଆରେ ଭାଇରାଲ ହେଉଛି। ଏବେ ଅଭିନେତା କହିଛନ୍ତି ଯେ ସେ ଏକ ଗମ୍ଭୀର ରୋଗରେ ପୀଡିତ, ଯାହା ଯୋଗୁଁ ତାଙ୍କୁ ବହୁତ ଯନ୍ତ୍ରଣା ସହିବାକୁ ପଡୁଛି, କିନ୍ତୁ ତଥାପି ସେ ତାଙ୍କ କାମ ପ୍ରତି ସମର୍ପିତ।ଶୋରେ ସେ ତାଙ୍କ ବ୍ୟକ୍ତିଗତ ଜୀବନ ବିଷୟରେ ବହୁତ କିଛି କହିଥିଲେ। ସେ କହିଥିଲେ ଯେ ସେ ଟ୍ରାଇଜେମିନାଲ୍ ନ୍ୟୁରାଲଜିଆ, ବ୍ରେନ୍ ଆନିଉରିଜ୍ମ ଏବଂ ଏଭି ମାଲ୍ଫର୍ମେଶନ୍ ଭଳି ମାରାତ୍ମକ ରୋଗରେ ପୀଡିତ। ‘ତାଙ୍କର ହାଡ ଭାଙ୍ଗିଯାଉଛି, ପଞ୍ଜରା ଭାଙ୍ଗିଯାଉଛି, ଟ୍ରାଇଜେମିନାଲ୍ ନ୍ୟୁରାଲଜିଆ ସହିତ ତାଙ୍କୁ ମୁକାବିଲା କରିବାକୁ ପଡୁଛି , ମସ୍ତିଷ୍କରେ ଆନିଉରିଜ୍ମ ଥିବା ସତେ ତାଙ୍କୁ କାମ କରିବାକୁ ପଢୁଛି।’ଆଉ କଥାବାର୍ତ୍ତାରେ, ଅଭିନେତା କହିଥିଲେ ଯେ ଏହି ରୋଗ ପରେ ମଧ୍ୟ, ସେ ତାଙ୍କ କାମ ପ୍ରତି ବହୁତ ଗମ୍ଭୀର। ସେ କହିଥିଲେ ଯେ ଯଦି ତାଙ୍କର ଏହି ସ୍ୱାସ୍ଥ୍ୟ ସମସ୍ୟା ପୂର୍ବରୁ ଥାଆନ୍ତା, ତେବେ ସେ ପୁଣି ସବୁକିଛି ଆରମ୍ଭ କରିଥାଆନ୍ତେ, କିନ୍ତୁ ଏହି ବୟସରେ ସମସ୍ୟା ବଢ଼ିଯାଇଛି। ପ୍ରତିଦିନ ଯନ୍ତ୍ରଣା ହେଉଛି, ତଥାପି ସେ ଲଢ଼ୁଛନ୍ତି। ସଲମାନ ଖାନଙ୍କ କ୍ୟାରିୟର ବିଷୟରେ କହିବାକୁ ଗଲେ, ସଲମାନଙ୍କୁ ଶେଷ ଥର ପାଇଁ ‘ସିକନ୍ଦର’ ଫିଲ୍ମରେ ଦେଖିବାକୁ ମିଳିଥିଲା, ଯାହା ବକ୍ସ ଅଫିସରେ ହାରାହାରି ପ୍ରଦର୍ଶନ କରିଥିଲା। ଏହି ଫିଲ୍ମରେ ଅଭିନେତାଙ୍କ ସହିତ ରଶ୍ମିକା ମଧ୍ୟ ମୁଖ୍ୟ ଭୂମିକାରେ ନଜର ଆସିଥିଲେ।
