ନୂଆଦିଲ୍ଲୀ ୨୧/ଜୁଲାଇ : ଆଜିଠାରୁ ଆରମ୍ଭ ହୋଇଥିବା ସଂସଦର ମୌସୁମୀ ଅଧିବେଶନର ପ୍ରଥମ ଦିନରେ ଗୃହରେ ହଟ୍ଟଗୋଳ । ୨୨ ଏପ୍ରିଲରେ ଘଟିଥିବା ପହଲଗାମ ଆତଙ୍କବାଦୀ ଆକ୍ରମଣ ଓ ବର୍ତ୍ତମାନ ଚାଲିଥିବା ଓପରେସନ୍ ସିନ୍ଦୁର ଉପରେ ଆଲୋଚନା ପାଇଁ ବିରୋଧୀ ଦଳ ସାଂସଦମାନେ ଲୋକସଭାରେ ଶକ୍ତ ଦାବି ଉଠାଇଥିଲେ। ସେମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପସ୍ଥିତି ଓ ତାଙ୍କର ଜବାବ ଦାବି କରିଥିଲେ, ବିଶେଷକରି ଅମେରିକୀ ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବୟାନ ସନ୍ଦର୍ଭରେ, ଯେଉଁଥିରେ ସେ ୨୪ଥର ଭାରତ-ପାକିସ୍ତାନ ମଧ୍ୟରେ ମଧ୍ୟସ୍ଥତା କରିଥିବା କଥା କହିଥିଲେ। କଂଗ୍ରେସ ସାଂସଦ ପ୍ରମୋଦ ତିୱାରୀ କହିଛନ୍ତି, “ମଧ୍ୟାହ୍ନ ୨ଟା ପରେ ଆମେ ଗୃହରେ ଏହି ମୁଦ୍ଦା ଉପରେ ଚର୍ଚ୍ଚା ଦାବି କଲୁ, କିନ୍ତୁ ଅଧ୍ୟକ୍ଷ ଏହାକୁ ଅନୁମତି ଦେଲେ ନାହିଁ।”ଏହି ଅନୁମତି ନମିଳିବା ପରେ, ବିରୋଧୀ ସାଂସଦମାନେ ଲୋକସଭାରୁ ୱାକଆଉଟ୍ କରିବାକୁ ବାଧ୍ୟ ହେଲେ। ସେମାନଙ୍କ ମତାନୁସାରେ ଏହି ଘଟଣାଗୁଡ଼ିକ ଭାରତର ସୁରକ୍ଷା ଓ ସାର୍ବଭୌମତା ସହିତ ସଂପୃକ୍ତ, ଏବଂ ଏହା ଉପରେ ରାଷ୍ଟ୍ରୀୟ ସ୍ତରରେ ସଂସଦ ମଧ୍ୟରେ ଗଭୀର ଆଲୋଚନା ଅତି ଆବଶ୍ୟକ। ଏହି ବିଷୟରେ ପ୍ରଧାନମନ୍ତ୍ରୀଙ୍କ ମୌନତାକୁ ନେଇ ବିରୋଧୀ ଦଳ ଅସନ୍ତୁଷ୍ଟି ପ୍ରକାଶ କରିଛି। ସେମାନେ କହିଛନ୍ତି ଯେ ଏହି ମୂଦ୍ଦା ଉପରେ ସ୍ପଷ୍ଟ ଏବଂ ଦୃଢ଼ ଜବାବ ଦେବା ରାଜନୈତିକ ଦାୟିତ୍ୱ ଅଟୁଟ ଅଂଶ।
