ଭୁବନେଶ୍ୱର ୨୬/ ଅଗଷ୍ଟ : ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଅଧ୍ୟକ୍ଷତାରେ ଓଡ଼ିଶା କ୍ୟାବିନେଟର ୨୫ତମ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ଚାରିଟି ଗୁରୁତ୍ୱପୂର୍ଣ୍ଣ ପ୍ରସ୍ତାବକୁ ମଞ୍ଜୁରୀ ଦିଆଯାଇଛି। ଏଥିରେ ଗ୍ରହଣ କରାଯାଇଥିବା ପ୍ରମୁଖ ପ୍ରସ୍ତାବଗୁଡିକ ମଧ୍ୟରୁ ଗୋଟିଏ ହେଉଛି ଓଡ଼ିଶା ବିଧାନସଭାର ପରବର୍ତ୍ତୀ ଅଧିବେଶନ। ଏହା ରାଜ୍ୟର ଗଣତାନ୍ତ୍ରିକ ପ୍ରକ୍ରିୟା ପାଇଁ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି ମନାଯାଉଛି। ଏହାସହ ଓଡ଼ିଶା ଲୋକସେବା ଆୟୋଗ (OPSC) ମାଧ୍ୟମରେ ନିଯୁକ୍ତି ବୃଦ୍ଧି ପାଇଁ ନୂଆ ପଦକ୍ଷେପ ଗ୍ରହଣ କରାଯାଇଛି, ଯାହା ଯୁବ ସମୁଦାୟ ପାଇଁ ନୂଆ ଚାକିରି ସୁଯୋଗ ଉପସ୍ଥାପନ କରିବ। ଏହି ବୈଠକରେ ଇଲେକ୍ଟ୍ରୋନିକ୍ସ ଓ ଆଇଟି କ୍ଷେତ୍ରକୁ ଉନ୍ନତି ଦେବା ପାଇଁ ଦୁଇଟି ନୀତିକୁ ମଧ୍ୟ ଅନୁମୋଦନ କରାଯାଇଛି, ଯାହା ରାଜ୍ୟର ଡିଜିଟାଲ ଢାଞ୍ଚାକୁ ଶକ୍ତିଶାଳୀ କରିବ। ମୁଖ୍ୟ ସଚିବ ମନୋଜ ଆହୁଜା ଏହି ସମସ୍ତ ବିଷୟ ଉପରେ ସୂଚନା ଦେଇଛନ୍ତି।
