ଭୁବନେଶ୍ୱର,ସ୍ୱାସ୍ଥ୍ୟ ବିଶେଷଜ୍ଞମାନଙ୍କ ମତରେ ଯେଉଁ ବ୍ୟକ୍ତିମାନଙ୍କର ଏସିଡିଟି କିମ୍ବା ପେଟ ଜନିତ ସମସ୍ୟା ରହିଛି, ସେମାନେ ଭୁଲରେ ବି ଗ୍ରୀନ୍ ମଟର ଖାଆନ୍ତୁ ନାହିଁ । କାରଣ ଗ୍ରୀନ୍ ମଟରରେ ଏପରି କିଛି ପୋଷକ ତତ୍ତ୍ୱ ରହିଛି, ଯାହା ସହଜରେ ହଜମ ହୁଏ ନାହିଁ ।
ଫଳରେ ଏହା ପେଟ ଜନିତ ସମସ୍ୟାକୁ ଅଧିକ ବଢାଇଦିଏ । ସବୁଜ ମଟର ଖାଇବା ଦ୍ୱାରା ଓଜନ ବଢ଼ିପାରେ କାରଣ ଏଥିରେ ଚର୍ବି ଅଧିକ ଥାଏ। ମଟରରେ ଥିବା ପ୍ରୋଟିନ୍ ଓ କାର୍ବୋହାଇଡ୍ରେଟ୍ ମଧ୍ୟ ଓଜନ ବୃଦ୍ଧି ଏବଂ ମେଦବହୁଳତାରେ ସହାୟକ ହୋଇପାରେ।
ଗ୍ରୀନ୍ ମଟରରେ ପ୍ରଚୁର ପରିାଣରେ ପ୍ରୋଟିନ ରହିଥାଏ । ଯାହାକି କିଡନୀ ସଂକ୍ରମଣକୁ ବୃଦ୍ଧି କରିବାରେ ସାହାଯ୍ୟକରେ । ତେଣୁ କିଡନୀ ରୋଗରେ ପିଡିତ ଥିବା ବ୍ୟକ୍ତିମାନେ ଏହାକୁ ଖାଇବା ଉଚିତ୍ ନୁହେଁ । ଯଦି ବି ଗ୍ରୀନ୍ ମଟର ଖାଉଛନ୍ତି ତେବେ ସ୍ୱଳ୍ପମାତ୍ରାରେ ଖାଆନ୍ତୁ । ନଚେତ୍ ଆପଣଙ୍କୁ ଅନେକ ସମସ୍ୟାର ସମ୍ମୁଖୀନ ହେବାକୁ ପଡିପାରେ ।
ଗ୍ରୀନ୍ ମଟରରେ ପ୍ରୋଟିନ୍, ଆମିନୋ ଏସିଡ୍, ଭିଟାମିନ୍-ଡି ଏବଂ ଫାଇବର ଆଦି ଭରପୁର ମାତ୍ରାରେ ରହଥାଏ । ତେଣୁ ଏହାକୁ ସେବନ କରିବା ଦ୍ୱାରା ଏହା ଶରୀରରେ ୟୁରିକ୍ ଏସିଡର ସ୍ତରକୁ ବୃଦ୍ଧି କରିବାରେ ସାହାଯ୍ୟ କରେ । ବ୍ରାଉନ୍ ରାଇସ କିମ୍ବା ସୋୟା ସହିତ ସବୁଜ ମଟର ଖାଇବା ପେଟ ସମସ୍ୟାକୁ ଆହୁରି ବଢ଼ାଇପାରେ। ତେଣୁ ସେଗୁଡ଼ିକୁ ଖାଇବାରୁ ଦୂରେଇ ରୁହନ୍ତୁ।
